Bibliara leana programa
Bibliai yapa valij camachishcaunara tupana ushanchi. Caran punzha leana, leashcara iyarina anchi chi camachishcaunara imasna ñucanchi causaibi pactachina ushashcara yachangaj. Chita rurasha cushi causai charishun (Josué 1:8; Salmo 1:1-3). Astaumbas Yaya Diosta, paihua Churiras alira ricsishun, paigunara ricsishcamanda quishpirina ushashun (Juan 17:3).
¿Imasnara Bibliara leana ushanchi? Ashca tunuuna tian. Shinajpi cai Bibliara leana programara ricusha can munashca libromanda, temamanda leangaj callarina ushangui. Por ejemplo, maican Bibliamanda partiunara leasha yachana ushangui imasna ashca huataunamanda Yaya Dios israelita runaunara ali cuiraca. Shinallara shuj partiunara leasha yachangui punda sigloi Jesusta catij congregación imasna tiai callarica, imasna mirasha catica. Caran punzha huaquin capitulogunara leashaga, shu huatai intiru Bibliara leana ushangui.
Caran punzha Bibliara leangaj, shu huatai leana tucuchingaj o leana callaringaj munasha cai yanapaira ministingui. Cai Bibliara leana programara copia llucchisha cunalla leangaj callari.
Cai temagunaras leana munanguichari
LA ATALAYA
Bibliara leana: ¿Maimanda callarisha?
Pichca yanapaiguna Bibliara ali gustuhua leangahua.
MALTAUNA TAPURINUN
Biblia ¿imasnara ñucara yanapana ushan? Punda parti: Bibliai valishca yachachishcaunara mascai
Shu ashca valij cosasgunahua cofre nishcara tupashaga ¿imara ruranguima? ¿manzhu yapa valij ashcara iyarisha uctalla pascana munanguima? Biblia chi cofre cuintallara an, chibi tupangaraungui yapa valij curi muyuuna cuinta valishca yachachishcaunara.
