“Dios tucui iquira paiguna ñahuimanda pichangami. Ña huañuna illanga; huacanas, caparinas, nanais illangami” (Ricuchina [Apocalipsis] 21:​3, 4, Mushuj Pactachina Shimi).

Sirtupacha intindishunmi Yaya Dios mana culpa charishcara (Santiago 1:13).

Dios ñucanchira imasna llaquishcara yachasha cushi tucushun (Zacarías 2:8, Traducción del Nuevo Mundo [NM]).

Llaqui tucurina punzhara tucui shunguhua chapashun (Salmo 37:​9-11, NM).

Ricushun:

• Yaya Diosga llaquiras, manaliras chijnijmi an. Ñaupa timpui, paihua llactara llaquichirianujpi, Jehová ¿imasnara sintirica? Biblia ninmi: Paiguna nanaigunara ricusha Jehová llaquiricami (Jueces 2:​18, NM).

  Llaquichij runagunara Yaya Dios mana munanzhu. Bibliami nin: ‘Mana culpayuj runaguna yahuarda talij maquigunara chijninmi’ (Proverbios 6:​16, 17, NM).

• Yaya Dios ñaupai caran runa valishcami anchi. Chiraigu Biblia nin: Canguna tucui turbarishcara Yaya Dios maquii churaichi, “pai cangunara cuiranmi” (1 Pedro 5:7).

  Pai mandaushcai, Yaya Dios caran runa turmindusgunara tucuchinga (Mateo 6:​9, 10). Chi punzha pactamungagama, paita tucui shunguhua uyajcunara yanapaunmi (Hechos 17:27; 2 Corintios 1:​3, 4).