Ari, Dios munan runauna tandarisha aduranuchu. Biblia nin: “Ñucanchipura parijumanda iyarishunchi, mas mas llaquinausha, alira rausha yanaparingaj; ñucanchi tandarimunara mana saquisha” (Hebreos 10:24, 25).

 Jesús nica paita catijcuna shu religión charina ashcara chiraigu paigunara nica: “Caimanda tucui runauna canguna ñuca yachachishca runauna ajcunara ricsinaungami, canguna parijumanda llaquinanaupi” (Juan 13:35). Jesús rimashca cuinta paihua catijcuna llaquinara ricuchingaj shuj Diosta adurajcunahua tucui huras tandarina anuca caran congregaciongunai (1 Corintios 16:19). Shina rurasha intiru mundui shujlla aillu cuinta tucungaj (1 Pedro 2:17).

Shu religionda charishas ¿ima mas rurana anchi?

 Biblia nin runauna tandarina anun Diosta adurangaj. Shinajpi mana intindichin shu runa Diosta ali adurana ushan shu religionda charishcamandalla. Astaun religión runaunara yanapana an ali causanuchu. Chimanda Biblia nin: “Dios Yaya ñaupajpi ali sirtu quirina, mana imas huajlishcahua casnami: huaccha huahuaunajpi huaccha huarmiunajpis pasiai rinami paiguna llaquiriushcais, shinallara duiñura mundumanda ima huajlinamandas huacachingaj” (Santiago 1:27).