Causaimanda iyarishcai ashca runauna tapurinun: “¿Imangaj caibi ani? ” “¿Imangaj causani?” nisha. Biblia nin Dios runaunara causaira cuca paihua amigoguna tucungaj. Caita alira intindingaj huaquin Bibliamanda valishca yachachishcaunara ricushun.

•   Dios ñucanchira Ruraj an. Biblia nin: “Pai ñucanchira rurarca, ñucanchi paihuaj anchi” (Salmo 100:3; Apocalipsis 4:11).

•   Ruraj Dios shu munaihua tucuira, ñucanchiras rurarcami (Isaías 45:18).

•   Dios paimanda yachangaj ministishcahua ñucanchira rurarca, chimanda imangaj causanchi yachana munanchi (Mateo 5:3). Dios munan ñucanchi chi yachana ministishcara yachangahua (Salmo 145:16).

•   Diosta ricsingaj, paihua amigo tucungaj ursarishcai, sirtu pacha cushi sintirinchi, caita tucuiguna rurana ushanchi. Chiraigu Biblia nin: “Diospajma mayanllayamuichi, shina rajpi pai cangunama mayanllayamungami” (Santiago 4:8; 2:23).

•   Diospa amigo tucungaj, pai ñucanchi rurana munaira pactachina anchi. Biblia ricuchin imangaj Dios runaunara rurarca: “Caihuaj runa rurashca aca: Diosta manzhangaj llaquingajpas shinallara paihua mandashcaunara casungaj” (Eclesiastés 12:13, versión de Ángel Sánchez, nota; lenguaje actualizado).

•   Shamuj punzhaunai Dios turmindusgunara tucuchishcai paihua chuyaj shungu amigogunara huiñai causaira cungami. Shina rurasha, Dios runaunaj rurana munai pactaringami (Salmo 37:10, 11).