¿Huañusckas cutis causayta atincu?
¿Ninquiman...
-
... ari?
-
... mana?
-
... cayta atin??
BIBLIA NISCKANTA
«Cutis cáusaj ʼrincu» (Hechos 24:15, Traducción del Nuevo Mundo, 2019).
CAYCKA NOCKÁYSHPAJ IMA NIYTA MUNAN
Consuelu taríysh áicap suj aillu munascka huañun (2 Corintios 1:3, 4).
Ckeshpichiáysh huañuyta ancha mana manchayta (Hebreos 2:15).
Ckoáysh suj suyana ima dejuro cumplícoj ʼrin, cutis ckaacuyta aillusniyshta ima huañorancu (Juan 5:28, 29).
¿BIBLIA NISCKANTA CREÉYPAJ, RASONES TÍAN?
Ari, al menus quimsa:
-
Tata Yaya causayuan ckallarera. Biblia nin, ima Jehová tucuycunasta causayta ckoáysh (Salmo 36:9; Hechos 17:24, 25). Si pay capas cara causayta ckopucuyta tucuycunasta ima pay ʼruara, dejuro átiy apin cutis causachicúypaj picunasta huañorancu.
-
Tata Yaya ñaupapi na huaquin persunasta causachera. Biblia nin, púsaj (8) persunas causachisckas carancu, huarmis y ckaris túcuy edaresmanta, y Ashpapi cutis causayta voliacorancu. Huaquin cháyraj huañusa carancu; pero sujlla paycunamanta taa punchaus huañuscka apara (Juan 11:39-44).
-
Tata Yaya ancha desian huañusckastas cutis causachicuyta. Jehová huañuyta chejnin, imaraycu enemigun ina ckaan (1 Corintios 15:26). Ancha desian puchucayta cá enemiguan, y chayta ʼrúaj ʼrin cutis cáusay ckopucus. Mana ckaan chá punchau chayachun causachicúypaj, picunasta yuyayninpi tiancu, y ckaacuyta cutis Ashpapi causas (Job 14:14, 15).
TAPUNÁCUY
¿Imajchus viejoyaycu y huañuycu?
Biblia contestasckanta tarinqui GENESISPI 3:17-19 y ROMANOSPI 5:12.
Caytapas gustasuyta atinman
NOCKAYCUMANTA
¿Imajchus Bibliát estudiayta?
Biblia túcuy ashpapi ancha ashca ashca persunasta yanapashcan, astaan importantes tapunasnincuta causaymanta respuestasta tariyta yanapashcan. Ckam, ¿suj paycunamanta cayta munanquichu?
