Suj familia cusiscka canánpaj, ¿imátaj chusan?

REPRODUCIYTA EN

¿Ninquiman ima, falta ʼruan...

... múnay?
... ckoshcke?
... o suj imasti?

BIBLIA NISCKANTA

«¡Cusisckas picunas Tata Yáyap ʼrimayninta uyarincu y practicapi churancu!» (Lucas 11:28, Traducción del Nuevo Mundo, 2019).

CAYCKA NOCKÁYSHPAJ IMA NIYTA MUNAN

Checka munayta tarinqui (Efesios 5:28, 29).

Súmaj tratút ápej ʼrinqui (Efesios 5:33).

Familiaycu segurus tianckancu (Marcos 10:6-9).

¿BIBLIA NISCKANTA CREÉYPAJ, RASONES TÍAN?

Ari, al menus íshcay:

Tata Yaya familiata ckallarera. Biblia nin, ima túcuy familia [...] sutincút Tata Yaya Jehovát deepuncu (Efesios 3:14, 15). Unancháypaj, familia tían, Jehová ʼruasckanraycu. ¿Imajchus importante can, cay ʼruascka yachayta?

Caypi pénsay: Si súmaj micunata micus tianqui y yachanaanqui imaanchus ʼruascka tían, ¿pít tapunquiman?, pi chayta ʼruara, ¿manachu?

Quiquin chayna, si familiayqui cusiscka canánpaj, yachanaanqui maypi chayta nin, astaan súmaj can, Jehovát tapuyta, pi chayta ckallarera (Génesis 2:18-24).
Tata Yaya ckamcunaraycu interesacun. Ckamta y familiayqui beneficiácoj ʼrinquísh mascaspá Bibliapi Jehóvap consejusninta, pues «pay ckamcunaraycu preocupacun» (1 Pedro 5:6, 7). Jehová alli casckanta nockáyshpaj munan. Y consejusnin siempre alliycúpaj cancu (Proverbios 3:5, 6; Isaías 48:17, 18).

TAPUNÁCUY

¿Atiyman nocka cayta suj alli ckosa o huarmi o suj alli tata o mama? ¿Imaina?

Biblia contestasckanta tarinqui EFESIOSPI 5:1, 2 y COLOSENSESPI 3:18-21.

Caytapas gustasuyta atinman

NOCKAYCUMANTA

¿Imajchus Bibliát estudiayta?

Biblia túcuy ashpapi ancha ashca ashca persunasta yanapashcan, astaan importantes tapunasnincuta causaymanta respuestasta tariyta yanapashcan. Ckam, ¿suj paycunamanta cayta munanquichu?