¿Diospaj shutica Jesuschu can?
Bibliaca caitami yachachin
Jesusca “Taita Diospaj Churimi cani” nircami (Juan 10:36; 11:4). Paillataj tucui poderyuj Diosmi cani nishpa ni ima horaspish mana huillarcachu.
Jesuspish Yayito Diostami mañarca (Mateo 26:39). Ashtahuanpish discipulocunaman mañanata yachachishpaca cashnami nirca: “Jahua pachapi caj ñucanchij Yaya, cambaj jucha illaj shutitaca, alli nishca cachun” (Mateo 6:9).
Jesusca shujtaj gentecunamanpishmi Diospaj shutita yachachirca. Shinallataj. shuj cutinca Dios ñaupaman quillcashcachishca shuj versota liyishpami cashna nirca: “Uyaichij israelcuna Jehová ñucanchij Diosca, shujlla Jehová Diosmi” (Marcos 12:29, Traducción del Nuevo Mundo, [NM]; Deuteronomio 6:4, NM).