Bibliapaj librocunamanta yachashun
Cai uchilla videocunaca Bibliapaj librocunamanta valishca yuyaicunatami charin. Bibliata liyishpa alajata estudiangapajca cai videocunata ricui.
Bibliamanta yachashun
Bibliapi tiyaj librocunata liyicushpa Jesús mandacujpi Diospaj shutita ima shina jatunyachinata, Jehová Diospaj munai ima shina pajtarinatapish ricui.
Genesismanta yachashun
Génesis libropimi gentecuna ima shina tiyai callarishcata, shinallataj llaquicunapish, huañuipish ima shina tiyai callarishcatapish huillan.
Exodomanta yachashun
Jehová Diosca israelitacuna Egiptopi esclavo shina causacuimanta llujshichishpa paita sirvij llajta cachunmi agllarca.
Leviticomanta yachashun
Levítico libropimi Yaya Dios shina jucha illaj cana cashcata yachangui.
Numerosmanta yachashun
Cai libropica Jehová Diosta, pai churashca pushajcunata tucuipi cazuna cashcatami yachangui.
Deuteronomiomanta yachashun
Cai libropica israelitacunaman cushca Leymanta yachashpami Jehová Dios paicunata achcata cꞌuyashcata yachangui.
Josuemanta yachashun
Israelitacuna paicunapaj contracunata mishashpa, Dios cushca allpata japishpa chaupishcata ricui.
Juecesmanta yachashun
Cai libroca Jueces shutita charishcamantami Jehová Dios paipaj pueblota ima shina quishpichishcata yachachin.
Rutmanta yachashun
Rut libropica shuj viuda huarmi paipaj suedraman achca cꞌuyaita ricuchishcatami huillan. Shinallataj Jehová Diospish paicunata bendiciashcatami huillan.
1 Samuelmanta yachashun
Cai libropica Jehová Dios, israelitacunata mandachun huaquin reycunata agllashcatami yachangui.
2 Samuelmanta yachashun
Davidca sinchi feta charij, humilde runami carca. Chaimi Bibliapi parlashcacunamanta paica ashtahuan cꞌuyashca, rijsishca can. Paimantami yachai tucungui.
1 Reyesmanta yachashun
Cai libropica Salomón mandacui punllacunapi israelitacuna alli causashcatami yachangui. Qꞌuipaca Israelpish, Judapish chaupirishpa chꞌican mandajcunata charishcamanta llaquichishcatapishmi yachangui.
2 Reyesmanta yachashun
Israel llajta janaj ladoca yanga dioscunata sirvishcamantami jatun llaquita aparcacuna. Shinapish Jehová Diosca tucui shunguhuan sirvijcuna ashallacuna cajpipish pai bendiciashcatami yachangui.
1 Cronicasmanta yachashun
Cai libropica rey Davidpaj ñaupa yayacunapaj shuticunata, paipaj tucui causaipi Diosta manchashcamanta Israel llajtata alli mandashcatami yachangui.
2 Cronicasmanta yachashun
Cai libropica Judá llajtapaj reycunamanta yachashpami Jehová Diosllata adorana valishca cashcata yachangui.
Esdrasmanta yachashun
Jehová Diosca israelitacunata Babiloniamanta Jerusalenman tigrachunmi ayudarca. Paita cutin adorachunpishmi ayudarca.
Nehemiasmanta yachashun
Nehemías libropica valishca yuyaicunatami yachashun.
Estermanta yachashun
Esterpaj punllacunapi ima tucushcata ricushpami shamuj punllacunapipish Jehová Dios paipaj pueblota quishpichinataca tucui shunguhuan crinchij.
Jobmanta yachashun
Satanasca Diosta cꞌuyajcunatami pruebacunata churan. Pero Jobmanta yachashpami ñucanchijpish Diosta tucuipi cazunata, paipaj mandanata difindinata pudishun.
Salmosmanta yachashun
Salmo libropica Jehová Dioslla mandana cashcata, Diospaj gobierno cai Allpata allichinatami yachachin. Cai librota liyishpami tranquilo, cushilla sintirishun.
Proverbiosmanta yachashun
Diospaj consejocunaca alli trabajador cachun, familiacunahuanpish alli apanacuchunmi ayudan.
Eclesiastesmanta yachashun
Rey Salomonca ima ashtahuan importante cana cashcatami yachachirca. Shinallataj Diospaj mandashcacunata mana cazushpa ima tucuna cashcatapishmi nirca.
Cantaresmanta yachashun
¿Imamantataj sulamitapaj cꞌuyaihuan michij runapaj cꞌuyaihuan Jehovapaj nina rupacuj shina can?
Isaiasmanta yachashun
Isaías libropimi Jehová Diosca pai nishcacunata pajtachij, paita sirvijcunata quishpichij cashcata nin. Caicunami paipi confiashpa sinchi feta charichun ayudan.
Jeremiasmanta yachashun
Jeremiasca Dios mingashcata pajtachina sinchi cajpipish allimi pajtachirca. ¿Jeremiaspaj ejemplomantaca imatataj yachanchij?
Lamentacionesmanta yachashun
Lamentaciones libropimi Jeremiasca Jerusalén tucurishcata ricushpa llaquilla cashcata huillarca. Shinallataj arrepintirijpi Dios perdonaj cashcatapish quillcarca.
Ezequielmanta yachashun
Ezequielca Dios mandashcacuna sinchi ricurijpipish tucuimi pajtachirca. Paipaj ejemplota catishunchij.
Danielmanta yachashun
Danielpish paipaj amigocunapish llaquicunata charishpapish Diostami cazurca. Paicunamanta, Daniel libromanta yachashpami tucuri punllacunapi sinchi feta charishun.
Oseasmanta yachashun
Oseaspaj profeciapimi juchayujcuna arrepintirijpi Jehová llaquij cashcata ricuchin. Shinallataj Dios munashca shina sirvina cashcatapishmi yachachin.
Joelmanta yachashun
Joel libroca, Diospaj punlla chayamujpi quishpiringapaj imata rurana cashcatami huillan. Cunan punllapipish cai profeciaca rijcharishca shina causachunmi ayudan.
Amosmanta yachashun
Jehová Diosca cai humilde runamanmi millaicunata tucuchigrishcata huillachun cacharca. ¿Amospaj ejemplomantaca imatataj yachanchij?
Abdiasmanta yachashun
Abdías libroca Ñaupa Testamentomanta ashtahuan uchilla libromi can. Cai libropica Jehová Dioslla huiñaita mandashpa alli causai tiyanatami yachachin.
Jonasmanta yachashun
Profeta Jonasca Dios disciplinajpimi tucui mandashcata pajtachirca. Shinallataj Dios shina cꞌuyaj, alli shungu canatami yacharca.
Miqueasmanta yachashun
Cai profeciata liyishpami Diospaj mandashcacuna ñucanchijpaj alli cashcata intindishun.
Nahummanta yachashun
Nahumpaj profeciata ricushpami Jehová Dios tucui pai nishcacunata pajtachij cashcata, shamuj punllacunapi cushilla, tranquilo causai tiyanatapish crinchij.
Habacucmanta yachashun
Jehová Diosca ima shinapish paipaj pueblota quishpichingapajca allimi yachan, chaimi tucui shunguhuan paipi confianchij.
Sofoniasmanta yachashun
Jehová Dios pꞌiñarishpa llaquichina punllaca mana chayamungachu nishpaca ¿imamantataj mana yuyana canchij?
Ageomanta yachashun
Cai profeciapica Jehová Diosta sirvina tucuimanta yalli valishca cashcatami ricuchin.
Zacariasmanta yachashun
Muscuipi shina ricushcacuna, profeciacunami ñaupa punllapi Diosta sirvijcunataca sinchiyachirca. Caicunamanta yachashpami Dios ñucanchijtapish cuidacushcata intindinchij.
Malaquiasmanta yachashun
Cai profeciacunami Jehová Dios nishcacuna mana cambiaj cashcata ricuchin. Shinallataj Dios cꞌuyaj, llaquij cashcatapishmi huillan.
Mateomanta yachashun
Mateo libropi imallata parlashcata sumajta yachai.
Marcosmanta yachashun
Marcos librota leyishpaca Jesús cai pachata mandacushpa imalla ruragrishcatami yachangui.
Lucasmanta yachashun
¿Imamantataj Lucas libropi escribishcacunaca shujtaj librocunamanta chꞌican can?
Juanmanta yachashun
Juan libropica Jesús cꞌuyaj, llaquij, humilde cashcata, Dios cachashca Mesías cashcamanta jahua pachapi mandana cashcatapishmi yachachin.
Hechosmanta yachashun
Jesusta punta catijcunaca tucui laya gentecunata ayudangapajmi esforzarircacuna. Hechos libroca cushilla huillashpa catingapajmi ñucanchijtapish ayudanga.
Romanosmanta yachashun
Romanos libropica Jehová Diosca tucui laya gentecunata chasquij cashcata, Jesucristopi feta churana cashcatami parlacun.
1 Corintiosmanta yachashun
Apóstol Pablo quillcashca libropica cꞌuyaita ricuchishpa, tandalla causanamanta, mana huainayanamanta, y huañushcacuna causarina cashcata crinamantami parlacun.
2 Corintiosmanta yachashun
Jehová Diosca tucui ñucanchij llaquicunapimi cushichin.
Galatasmanta yachashun
Gálatas librota liyishpami Diostaca tucui shunguhuan sirvishpa catishun.
Efesiosmanta yachashun
Cai Allpapi alli causaita cuchunmi Jehová Diosca paipaj Churita agllashca. Chaitami Efesios libropica yachachin.
Filipensesmanta yachashun
Llaquicunata charishpapish shujtajcunatami animai tucunchij.
Colosensesmanta yachashun
Bibliapi nishcacunata pajtachishpa, shujtajcunata perdonashpa, Jesusta apoyashpami Diospaj ñaupajpica allimi ricurishun.
1 Tesalonicensesmanta yachashun
Diosmanta amataj caruyashpa, mañanata manataj saquishpa, ñucanchijpura animanacushpami causana canchij.
2 Tesalonicensesmanta yachashun
Pabloca Diospaj punlla ima shina canatami alli yachachirca. Sinchi feta charishpa catichunpishmi animarca.
1 Timoteomanta yachashun
1 Timoteo libropica Pabloca congregacioncunata ima shina pushana cashcata, panda crishcacunamanta cuidarina cashcata, cullqui solopi mana yuyana cashcatami nirca.
2 Timoteomanta yachashun
Pabloca Timoteotami Diosta sirvishpa catichun animarca.
Titomanta yachashun
Pabloca Creta llajtapi congregacioncunata ayudangapaj, ancianocunaca ima shina cana cashcata yachachingapajmi chai cartata escribirca.
Filemonmanta yachashun
Cai uchilla libropica humilde, perdonaj, cꞌuyaj canatami yachashun.
Hebreosmanta yachashun
Diosta sirvingapajca templota, animalcunata huañuchishpa sacrificiota ruranaca mana minishtirinchu.
Santiagomanta yachashun
Santiagoca alli crij cashcata ricuchingapaj huaquin chꞌimbapuraicunahuanmi yachachirca.
1 Pedromanta yachashun
Primera de Pedro libropica ñaupajman catichun ñucanchij llaquicunata Diosman mingachunmi yachachin.
2 Pedromanta yachashun
Pedroca paipaj segunda cartapica mushuj jahua pacha, mushuj cai pacha tiyangacama Diosta sirvishpa catichunmi animarca.
1 Juanmanta yachashun
Juanca anticristomantami advirtin. Shinallataj imacunata cꞌuyana o mana cꞌuyana cashcatami yachachin.
2 Juanmanta yachashun
Juanca Dios mandashca shina purina cashcata, panda yachachijcunamanta jarcarina cashcatami yachachin.
3 Juanmanta yachashun
Juanca cai cartapica shujtajcunaman pozadata cuna cashcata alajatami yachachirca.
Judasmanta yachashun
Judasca ima shina millai gentecuna huauqui panicunata pandachisha nishcatami intindichirca.
Apocalipsismanta yachashun
Jesús mandacujpimi Diospaj munaica cai Allpapi pajtaringa. Chaitaca Apocalipsis libropimi yachachin.