LECCIÓN 01
¿Bibliaga imashinadi ayudai pudin?
Ashcagunami causaimunda, llaquigunamunda, huañuimunda y shamuj funchagunabi ¿imadi tucushun? nish tapurishca. Shinalladi cada funchami micunamunda, cullquimunda y feliz familiada charingabu preocuparinchi. Ashca gentegunami, Biblia cai tapuigunamunda respuestada charishcada y contento causai pudingabu alli consejogunada cushcada rricushca. ¿Biblia quiquinbu amigogunada o familiada ayudai pudishcadaga cringuillu?
1. ¿Bibliaga ima tapuigunamundadi respuestada cun?
Bibliaga cai importante tapuigunamundami respuestada cun: ¿causaiga imashinadi callarirca?, ¿imabushi causanchi?, ¿imamundadi alli gentegunaga sufrin?, ¿huañushca jipaga imadi tucunchi?, ¿alli causanada munajpish imamundadi mundo enterobi guerraguna tiyan? y ¿cai allpa pachaunga imadi tucunga? Respuestagunadaga Bibliabimi tari pudinchi, caidami ña ashca genteguna rricushca. Caida yachashmi paigunaga contento sintirin.
2. ¿Bibliaga cada funcha alli causallunga imashinadi ayudan?
Bibliaga alli consejogunadami cun. Por ejemplo, familia ucubi contento causallunmi ayudan. Shinalladi estrés ungui ama japillun y trabajoda alli rrurrai pudillunmi ayudan. Cai informacionda estudiajushaga, quiquinga cai temagunamunda y cutishuj temagunamundashmi Biblia ima yachachishcada ashtaun yachai pudingui. Shinami “Diosbu shimiga [tucui Biblia yachachishcaguna] [...] allimi gan” ni pudingui (2 Timoteo 3:16).
Cai publicacionga Bibliada alli rrijsillunmi ayudanga. Chaimundami cada leccionbi rricurij Bibliabu textogunada liyillun, ima yachashcaun comparallunmi animanchi.
CAI TEMAMUNDA MÁS YACHASHUNCHI
¿Bibliaga imashinadi cutishuj gentegunadaga ayudashca? ¿Imashinadi Bibliadaga alli liyi pudinchi? ¿Bibliamunda yachachillun saquishcamundaga imashinadi beneficiarinchi? Cai yuyaigunamundami yachashun.
3. Bibliaga ayudanmi
Bibliaga ñucunchi ñanda achijyachij luz shinami gan. Chaimunda alli decisionda japingabu y shamuj funchagunabi ima tucunada yachangabumi utilizai pudinchi.
Salmo 119:105-da liyish, chaimunda parrlaichi:
-
¿Cai salmoda escribij jariga Bibliamundaga imadadi yuyarca?
-
¿Bibliamunda, quiquinga imadadi yuyangui?
4. Ñucunchi tapuigunadaga Bibliami contestan
Shuj huarmimi ashca huatagunada rrurrarishca tapuigunamunda, Biblia contestashcada yachai chayarca. VIDEODA rricush caimunda parrlaichi:
-
¿Videobi rricushca huarmiga ima tapuigunadadi charirca?
-
¿Bibliada estudianaga paida imashinadi ayudarca?
Bibliami tapuigunada rrurrallun invitan. Mateo 7:7-da liyish, chaimunda parrlaichi:
-
¿Biblia quiquinbu tapuigunada contestai pudishcadaga cringuillu? Por ejemplo, ¿majinguna?
5. Bibliada liyishmi contento sintiri pudinchi
Ashcagunami Bibliada liyinada munan, shinami alli causai pudishca. VIDEODA rricush caimunda parrlaichi:
-
¿Videobi rricurij jovengunaga liyinamundaga imadadi yuyan?
-
¿Bibliada liyinaga imamundadi paigunabu diferente gan?
Bibliaga tranquilo sintirillun y esperanzada cushmi animan. Romanos 15:4-da liyish, chaimunda parrlaichi:
-
¿Biblia cuj tranquilidad y esperanzamunda ashtaun yachanada munanguillu?
6. Bibliadaga shuj ayudanteunmi intindi pudinchi
Sapa Bibliada liyishash, ashcagunami shuj persona ayudajpi Bibliada mejor intindinajushca. Hechos 8:26-31-da liyish, chaimunda parrlaichi:
-
¿Bibliada intindingabu imadadi ministinchi? (Versículo 30 y 31-da rricuichi).
Etiopiamunda jariga Bibliada intindichish ayudallunmi ministirca. Cunun funchagunabi ashca gentegunami Bibliada estudiachish ayudajpi mejor intindin.
HUAQUINGUNAGA NINMI: “Bibliada estudianaga yangamunda tiempoda perrdinami” nin.
-
¿Quiquinga imadadi ninguimun? ¿Imamunda?
RESUMEN
Bibliaga causaibu alli consejogunada cushmi importante tapuigunada contestash tranquilidad y esperanzada cun.
Repaso
-
¿Bibliabiga ima laya consejogunadadi tarinchi?
-
¿Bibliaga ima tapuigunadadi contestan?
-
Quiquinga, ¿imadadi Bibliamunda más yachanada munangui?
ASHTAUN YACHAI
Cunun funchagunabi Bibliabu consejoguna imashina ayudashcada yachai.
“La eterna sabiduría de la Biblia” (La Atalaya, núm. 1 2018)
Shuj jari uchillamundapacha paibu munaigunaun sufrijujpi, Biblia imashina ayudashcada rricui.
Canbu familia feliz causallunga Bibliabu consejogunamunda yachai.
“12 claves para una familia feliz” (¡Despertad!, núm. 2 2018)
Cai mundoda pi mandajushcamunda Biblia imada yachachijta rricui.
¿Imamundadi Bibliada estudiana ganchi? (Jatun Video) (3:14)
