Entëru Patsachö gobiernukuna y organizacionkunapis manam guërrakunata ushakätsita puëdiyashqatsu. Ishkë kaq Jatun Guërra kanqampitaqa kananmi masqa mëtsika guërrakunata rikantsik. Kanan witsanqa, dos mil millonnö nunakunam guërrakuna kanqan sitiuchö kawayan.

 ¿Imanirtan nunakunaqa guërrakunata ushakätsita puëdiyantsu? ¿Ima nintan Bibliachö?

1.  1. Kanan tiempupaqmi Bibliachö kënö willakun: “Nunakunam kayanqa kikinkunallata kuyakoq, qellëta kuyaq, alabakoq, allish tukoq, [...] jukkunata dejaq, [...] manam acuerduman chëta munayanqatsu, [...] manam controlakuyta yachayanqatsu, mantsëpaqmi kayanqa, [...] manam ima niyanqantapis cäsukuyanqatsu, alläpa orgullösum kayanqa”. Bibliachö willakunqannö karmi nunakunaqa guërrakuna mana kanampaq kallpachakuyantsu (2 Timoteu 3:2-4).

2.  2. Nunakunaqa, japallantsik kar o grüpuchö karpis, manam kikintsikllaqa problëmantsikkunata arreglëta puëdintsiktsu, sinöqa Kamakoq Yayantsik Jehovä yanapamänatam wanantsik. a Bibliachömi kënö willakun: “Purikaq nunakunaqa manam imanö kawayanqanllatapis alli dirigita puëdiyantsu” (Jeremïas 10:23).

3.  3. Kë mundutaqa alläpa puëdeq y alläpa mana alli gobernantim poderninchö këkätsin. Tsë gobernantiqa Satanas Diablu niyanqanmi. Pëpaqmi Bibliachö willakun entëru Patsachö nunakunata ‘engañëkanqanta’. Kë munduchö nunakuna ‘Diablupa poderninchö’ kayanqanyaqqa, manam guërrakuna ushakanqatsu (Apocalipsis 12:9; 1 Juan 5:19).

 Bibliachömi willakun Teyta Dioslla yamë kanantsikta logranampaq kaqta, peru nunakunaqa manam logrëta puëdiyanqatsu.

•   Bibliachömi kënö willakun: “Teyta Jehoväqa kënöpis ninmi: ‘Noqaqa allim musyä qamkunapaq munanqäta. Noqaqa mana allikunapa pasayänëkipa rantin yamë kayänëkita, imapis mas allina kanampaq kaqman confiakuyänëkita y shamoq tiempuchö shumaq kawakuyänëkitam munä [...]’” (Jeremïas 29:11).

 ¿Imanötan Teyta Diosqa tsënö änikunqanta cumplimunqa? Bibliachömi willakun “yamë kanapaq yanapamaqnintsik Teyta Diosqa” Diabluta ichikllachöna ushakätsinampaq kaqta (Romänus 16:20). Teyta Diosqa Gobiernunwanmi Patsachö yamë kanantsikta logranqa. ‘Diospa Gobiernunchöqa’ Jesucristum gobernamunqa (Lücas 4:43). Jesus Patsata gobernamuptinqa, llapan nunakunam yamë kawakuyta yachakuyanqa (Isaïas 9:6, 7).

•   Tsëpita masta musyanëkipaqqa, “¿Qué cosas logrará el Reino de Dios?” neqchö willakunqanta leyi.