»Ri Testigos e utz kukʼ konojel ri winaq xuqujeʼ kukʼ ri alaj taq nutzʼiʼ. Jun qʼij kʼo jun chuchuʼ rukʼ ri alaj taq carritos, Elaine ubʼiʼ, xuya jujun taq galletas chke ri alaj taq nutzʼiʼ. Rumal laʼ, are chiʼ kinqʼax bʼi chilaʼ ri alaj taq nutzʼiʼ kinkijekʼ bʼik rech kekitzukuj ‹ri kʼolbʼal re galletas›.

»Are chiʼ xeqʼax ri ikʼ. Ri alaj taq nutzʼiʼ sibʼalaj kekikot rukʼ ri galletas y ri in kinkikotik are chiʼ kintzijon jubʼiqʼ kukʼ ri Testigos. Are kʼu qas ta kwaj kintzijon kukʼ. Más che 70 chi ri nujunabʼ y wetaʼm ta ri kkikʼut ri Testigos. Rumal che ri iglesias protestantes kibʼanom kʼax chwe, xinchomaj che are más utz che xaq nutukel kinnikʼoj uwach ri Biblia.

»Tekʼuriʼ xeʼinwil chi e más testigos rech Jehová che e kʼo pa jalajoj taq lugar re ri tinamit. Ri e areʼ xuqujeʼ sibʼalaj e utz. Amaqʼel kkitzalij uwach ri nupreguntas rukʼ ri Biblia, rumal laʼ xinkubʼsaj más nukʼuʼx chkij.

»Jumul, ri al Elaine xutaʼ chwe: ‹¿La kachomaj che ri alaj taq chikop e usipanik ri Dios?›. ‹Jeʼ›, xinchaʼ che. Tekʼuriʼ xusikʼij chnuwach ri kubʼij Isaías 11:6-9. Pa ri qʼij riʼ xkʼextaj jujun taq jastaq, are kʼu xwaj ta na xinkʼam bʼi jun wuj.

»Are chiʼ xqʼax ri tiempo xintzijon más rukʼ ri al Elaine y rukʼ ri rachajil, Brent ubʼiʼ. Ri e areʼ xkibʼij chwe che kinsikʼij ri kubʼij ri e wuj Mateo kʼa kopan pa Hechos rech kinchʼobʼo jas kraj kubʼij uterenexik ri retal raqan ri Cristo. Y xinbʼan ri xkibʼij chwe. Tekʼuriʼ xinmaj jun etaʼmanik re ri Biblia kukʼ ri a Brent y ri al Elaine. Xinkʼulmaj wariʼ pa ri unikʼajil ri junabʼ 2016.

»Ronojel taq semanas rukʼ kikotemal kweyeʼj ri wetaʼmanik re ri Biblia y kinbʼe pa ri e riqbʼal ibʼ. Sibʼalaj kinkikotik y kinmaltyoxinik rumal che xinkunik xwetaʼmaj ri kʼo pa ri Biblia. Are chiʼ qʼaxinaq chi jun junabʼ che xinmaj retaʼmaxik chrij ri Biblia, xinbʼan ri nuqasanjaʼ. Chanim riʼ 79 chi ri nujunabʼ, y wetaʼm che in kʼo pa ri qastzij kojonem. Sibʼalaj in utewchim ri Jehová rumal che in kʼo pa jun nimalaj familia che kkipatanij».