Pa ri Biblia kojkunik keqariq ri utzalaj taq pixabʼ. Rajawaxik ronojel qʼij kqasikʼij uwach, kojchoman chrij xuqujeʼ kqabʼan ri kqetaʼmaj chupam, rech utz kojel pa ri qakʼaslemal (Josué 1:8; Salmo 1:1-3). Xuqujeʼ kqetaʼmaj kiwach ri Dios xuqujeʼ ri uKʼojol, wariʼ kuya qakʼaslemal che kʼo ta ukʼisik (Juan 17:3).

¿Jas kqabʼan che usikʼixik uwach ri Biblia? Kʼo kʼi kqabʼan che usikʼixik uwach. Rukʼ wajun programa riʼ katkunik pa cholajil o pa taq kʼutunem kasikʼij kiwach ri libros che kʼo chupam. Jun kʼutbʼal, we kasikʼij uwach jujun taq porciones, katkunik kawetaʼmaj más ri xkʼulmataj chkixoʼl ri israelitas rukʼ ri Dios. Xuqujeʼ kawetaʼmaj más ri xbʼan che umajixik ri congregación cristiana pa ri nabʼe siglo. We kasikʼij kiwach ri capítulos ronojel qʼij, katkunik kakʼis usikʼixik uwach ri Biblia pa jun junabʼ.

We tajin katzukuj jun programa rech kasikʼij uwach ri Biblia ronojel qʼij, kawaj kasikʼij uwach pa jun junabʼ o xaq xiw kawaj kamajij usikʼixik uwach, wajun programa katutoʼ che ubʼanik ri kawaj. Chamajij usikʼixik uwach kimik: chakʼoloʼ ri programa re usikʼixik uwach ri Biblia, xuqujeʼ katkunik kabʼan imprimir.