KʼUTUNEM 01
¿Jas kubʼan ri Biblia che atoʼik?
Kʼi kojchoman chrij ri kʼaxkʼolil che kqariqo, ri kamikal y ri kqariq na pa ri petinaq, xuqujeʼ kojbʼison chrij ri jastaq che kqakʼulmaj chi qʼij, junam rukʼ, uchʼakik pwaq rech kqariq ri kajwataj pa ri qakʼaslemal o rech kqariq kikotemal pa ri qafamilia. E kʼi winaq kilom che ri Biblia kuya urespuesta ri e preguntas riʼ che nim kibʼanik y che kuya pixabʼ chke pa ri kikʼaslemal. ¿La kachomaj che ri Biblia kkunik katutoʼo?
1. ¿Jas kojutoʼ ri Biblia che uchʼobʼik?
Ri Biblia kuya kirespuestas preguntas junam rukʼ wariʼ: ¿jawchiʼ xmajtaj wi lo ri qakʼaslemal? ¿Jasche xyaʼ qakʼaslemal? ¿Jasche kkiriq kʼax ri utz taq winaq? ¿Jas kqakʼulmaj are chiʼ kojkamik? ¿Jasche kʼo kʼi chʼoj cho ri uwach Ulew we konojel ri winaq kkitzukuj utzilal? ¿Jas kkʼulmataj na rukʼ ri uwach Ulew? Ri Biblia kuya kirespuestas ri preguntas riʼ y e kʼi winaq kilom wariʼ.
2. ¿Jas kubʼan ri Biblia che qatoʼik ronojel taq qʼij?
Ri Biblia kuya utz taq pixabʼ chqe, jun kʼutbʼal keʼutoʼ ri familias rech kkiriq ri qastzij kikotemal. Kubʼij chqe jas kqabʼan chuwach ri estrés y rech kojkikot rukʼ ri qachak. Are chiʼ kqil más ri kubʼij wajun wuj riʼ, kawil na che ri Biblia katutoʼ che retaʼmaxik wariʼ y nikʼaj chik. Y kawetaʼmaj na che «ronojel ri [kubʼij ri Biblia] utz che tijonik» (2 Timoteo 3:16).
Ukojik wajun wuj riʼ kraj ta kubʼij che kqakoj ta chi ri Biblia. Xaneʼ kojutoʼ che uchʼobʼik ri kubʼij, utz che kasikʼij ronojel ri textos che kʼo chupam ri kʼutunem y kajunamaj rukʼ ri tajin kawetaʼmaj.
CHANIMARISAJ RI AWETAʼMANIK
Chqilaʼ ri ubʼanom ri Biblia che kitoʼik ri winaq, ri rajawaxik kqabʼano rech utz kqil ri kqasikʼij y ri utzilal che kqariqo we kojtoʼ che uchʼobʼik.
3. Ri Biblia kukʼam qabʼe pa ri qakʼaslemal
Ri Biblia kjunamataj rukʼ jun linterna che kukʼut ri qabʼe. Kojutoʼo rech utz kqabʼan che uchaʼik ri jastaq pa ri qakʼaslemal y rech kqetaʼmaj ri kkʼulmataj pa ri petinaq.
Chisikʼij Salmo 119:105 y chixtzijon chrij wariʼ:
-
¿Jas xuchomaj ri salmista chrij ri Biblia?
-
¿Jas kachomaj at chrij ri Biblia?
4. Ri Biblia kutzalij uwach ri qapreguntas
Chqilampeʼ ri xubʼan jun ixoq che uriqik ri urespuestas jujun preguntas pa ri Biblia che kʼi junabʼ xutzukuj. Chiwilaʼ ri VIDEO y chixtzijon chrij wariʼ:
-
Junam rukʼ ri xqil pa ri video, ¿jas jastaq xraj xretaʼmaj ri ixoq?
-
¿Jas utzilal uriqom rumal che xretaʼmaj ri kubʼij ri Biblia?
Ri Biblia kubʼij che utz kqabʼan preguntas. Chisikʼij Mateo 7:7 y chixtzijon chrij wariʼ:
-
¿La kachomaj che ri Biblia katutoʼ kimik? ¿Jas preguntas at chomanaq chrij?
5. Usikʼixik uwach ri Biblia kuya utzilal
Kʼi winaq utz kkil usikʼixik uwach ri Biblia y kiriqom utzilal. Chiwilaʼ ri VIDEO y chixtzijon chrij wariʼ:
-
Junam rukʼ ri xqil pa ri video, ¿jas kkichomaj ri alabʼom alitomabʼ chrij ri usikʼixik uwach wuj?
-
Are chiʼ xkimaj usikʼixik uwach ri Biblia, ¿jas kkichomaj chi chrij?
Ri Biblia kukubʼsaj qakʼuʼx y kuya kikotemal chqe. Chisikʼij Romanos 15:4 y chixtzijon chrij wariʼ:
-
¿La kawaj kawetaʼmaj más chrij ri kubʼsal kʼuʼx che kʼo pa ri Biblia?
6. Kojkunik kqachʼobʼ ri kubʼij ri Biblia we kojtoʼik
Sibʼalaj utz kasikʼij ri Biblia atukel, are kʼu kʼo más kawetaʼmaj we kyaʼ tobʼanik chawe. Chisikʼij Hechos 8:26-31 y chixtzijon chrij wariʼ:
-
¿Jas rajawaxik chqe rech kqachʼobʼ más ri kubʼij ri Biblia? (Chiwilaʼ ri kubʼij ri versículos 30 y 31).
Ri jun achi aj Etiopía xajwataj tobʼanik che rech xretaʼmaj chrij ri uTzij ri Dios. Kimik xuqujeʼ e kʼi winaq kajwataj tobʼanik chke rech kkichʼobʼ ri kubʼij ri Biblia.
RI KKICHOMAJ JUJUN WINAQ: «Usikʼixik uwach ri Biblia kresaj tiempo».
-
¿Jas kachomaj at? ¿Jasche?
RI XQETAʼMAJ
Ri Biblia kuya pixabʼ chqe pa ri qakʼaslemal, kutzalij uwach jujun taq preguntas che nim ubʼanik, kuya kikotemal chqe y kukubʼsaj qakʼuʼx.
¿La knaʼtaj chawe?
-
¿Jas pixabʼ kqariq pa ri Biblia?
-
¿Jas preguntas kyaʼ urespuesta pa ri Biblia?
-
¿Jas preguntas kawaj at kawetaʼmaj pa ri Biblia?
CHAWILAʼ CHI NIKʼAJ
Chawilaʼ jasche ri Biblia kuya utzilal chqe kimik.
«Ri nimalaj nojibʼal che kʼo pa ri Biblia» (La Atalaya, núm. 1 2018)
Chawilaʼ ri xubʼan ri Biblia che utoʼik jun achi che xuriq kʼax are chiʼ kʼa akʼal na.
Chawilaʼ ri pixabʼ che kuya ri Biblia rech kʼo kikotemal pa ri afamilia.
«12 jastaq che ktobʼan che jun familia rech kkikotik» (¡Despertad!, núm. 2 2018)
Chawilaʼ che ri Biblia kukʼutu che pa uqʼabʼ ta ri Dios kʼo wi ri uwach Ulew.
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
