Bibliaj librosninmanta yachakuna
Kay juchʼuy videospeqa yachasunman Bibliaj librosninta maykʼajchus qhelqakusqanta chayri pichus qhelqasqanta, imamantachus parlashasqanta ima. Bibliata estudiashaspa chayri leeshaspa sumajta yachakunaykipaj kay videoswan yanapachikuwaj.
Génesis libromanta yachakuna
Génesis libroqa parlan imaynatachus runaj kausaynin qallarisqanmanta, imaynatatajchus ñakʼariy, wañuy ima rikhurisqanmanta.
Éxodo libromanta yachakuna
Éxodo libroqa parlan, Dios israelitasta Egiptomanta kacharichisqanmanta, ajllasqan llajtamantaj tukuchisqanmanta.
Levítico libromanta yachakuna
Levítico libroqa parlan Jehová Dios llimphu kasqanmanta. Sutʼinchantaj imaraykuchus noqanchejpis pay jina llimphus kana kasqanta.
Números libromanta yachakuna
Números libropi reparasunman Jehová Diosta kasukoyqa allinpuni kasqanta, ñaupajman apajkunatataj respetana kasqanta.
Deuteronomio libromanta yachakuna
Jehová israelitasman leyta qosqanqa rikucherqa paykunata mayta munakusqanta.
Josué libromanta yachakuna
Imaynatachus israelitas Diospa qosqan jallpʼata japʼikapusqankuta qhawariy.
Jueces libromanta yachakuna
Kay libroqa mana manchachikoj juecesmanta parlan. Paykunanejta Jehová Diosqa israelitasta enemigosninkumanta kacharicherqa.
Rut libromanta yachakuna
Rut libro parlan imaynatachus uj sipas suegranta munakusqanrayku yanapasqanta, Jehovataj iskayninkuta bendecisqanta.
Ñaupaj kaj Samuel libromanta yachakuna
Yachakuna imaynatachus Israelpi jueces cuenta reyesñataj kamachiyta qallarisqankuta.
Iskay kaj Samuel libromanta yachakuna
Davidqa llampʼu sonqo, sinchʼi creeyniyoj kasqanrayku Bibliapi parlan chay runasmanta aswan munasqa, rejsisqataj karqa.
Ñaupaj kaj Reyes libromanta yachakuna
Israel nacionqa allinta kausakusharqa, qhapajtaj karqa rey Salomón kamachishajtin. Ajinallapi iskayman tʼaqakorqa, Israel nacionman Judá nacionman, jinamanta llakiy tiempo chayamorqa.
Iskay kaj Reyes libromanta yachakuna
Qhawariy imaynatachus Diosta wasanchajkuna Israelmanta chunka ayllusta paymanta karunchachisqanta, wakin israelitastataj payta sirvisqankurayku bendecisqanta.
Ñaupaj kaj Crónicas libromanta yachakuna
Kay videopi yachakunki rey Davidpa kausayninmanta, rey kasqanmanta, wañupunankamataj Diosta manchachikusqanta.
Iskay kaj Crónicas libromanta yachakuna
Kay videopi qhawariy imaynatachus Judamanta wakin reyes Diosta kusukusqankutapuni.
Esdras libromanta yachakuna
Jehovaqa llajtanta Babiloniamanta kacharichinanta nerqa, Jerusalenpitaj watejmanta yupaychanankuta.
Nehemías libromanta yachakuna
Nehemías libroqa kay tiempopi Diosta yupaychajkunata mayta yanapawanchej.
Ester libromanta yachakuna
Esterpa tiemponpi Jehová Dios llajtanta yanapasqanqa, yanapawanchej kay tiempopi ima chʼampaypi kajtinchejpis, pay yanapanawanchejpi atienekunapaj.
Job libromanta yachakuna
Jehovata munakojqa ñakʼariykunapi rikukunman. Jobpa kausaynenqa rikuchin cheqa sonqo kayta atisqanchejta Jehovallatataj kamachejninchejta jina sirvinanchejta.
Salmos libromanta yachakuna
Salmos libroqa parlan Jehovaj kamachiyninmanta, Jehovata munakojkunata yanapasqanmanta, sonqochasqanmanta ima, chantapis Diospa Reinonnejta Jallpʼata uj paraisoman tukuchinanmanta.
Proverbios libromanta yachakuna
Diospa yuyaychaykunasnenqa, tukuy kausayninchejpi yanapawanchej.
Eclesiastés libromanta yachakuna
Salomonqa parlan imaschus kausaypi aswan allin kasqanmanta, Diospa yachayninman jinataj imaschus mana allin kasqanmanta.
Cantares libromanta yachakuna
Sulamita chay joventa mayta munakusqantaqa Bibliapi nin “sinchʼi nina larway jina” kasqanta. ¿Imaraykú?
Isaías libromanta yachakuna
Isaías libropi profeciasqa cheqapuni, kallpachawanchejtaj Jehová nisqanta junt’asqanpi, salvawajninchej kasqanpi ima atienekunapaj.
Jeremías libromanta yachakuna
Jeremiasqa ñakʼarichisqa kaspapis profeta jina llankʼayninta juntʼallarqapuni. Jeremiaspa ruwasqan kay tiempomanta cristianosta imaynatachus yanapananpi tʼukuriy.
Lamentaciones libromanta yachakuna
Lamentaciones librotaqa profeta Jeremías qhelqarqa. Chay libroqa rikuchin, Jerusalén thuñikusqanrayku Jeremías llakikusqanta. Chantapis rikuchillantaj juchasninkumanta pesachikojkuna Diospa khuyakuyninta tarisqankuta.
Ezequiel libromanta yachakuna
Ezequielqa llampʼu sonqowan, mana manchachikuspa imatachá Dios kamachisqanta juntʼarqa, mana juntʼayta atinapaj jina kajtinpis. Ruwasqanqa kay tiempopi mayta yanapawasunman.
Daniel libromanta yachakuna
Danielwan kinsa amigosninwanqa, wañunanku kajtinpis Jehová Diosta mana wasancharqankuchu. Paykunaj ruwasqanku, Bibliaj nisqan juntʼakusqanpis, kay qhepa pʼunchaykunapi kausakojkunata mayta yanapawasunman.
Oseas libromanta yachakuna
Oseas libropi yachakusunman, Jehovaqa juchasninkumanta pesachikojkunata khuyakusqanta. Yachakullasunmantaj, imaynatachus Jehová payta yupaychananchejta munasqanta.
Joel libromanta yachakuna
Profeta Joelqa willarqa, imaynachus Jehová Diospa p’unchaynin kananta, salvakunapaj imatachus ruwanatapis. Chay willasqanqa kay tiempopi mayta yanapawanchej.
Amós libromanta yachakuna
Jehovaqa llampʼu sonqo Amosman sumaj llankʼayta qorqa. ¿Imastá profeta Amosmanta yachakusunman?
Abdías libromanta yachakuna
Abdías libroqa, Hebreopi Qhelqasqasmanta aswan juchʼuy libro. Kay libroqa willan, Jehovaqa kamachisninman uj suyakuyta qosqanta, paypa kamachiynintaj wiñaypaj sayananta.
Jonás libromanta yachakuna
Jonasqa Jehovaj kʼamisqanta japʼikorqa, kamachisqanta kasukorqa, chantá Jehovaj munakuyninmanta, khuyakuyninmantawan yachakorqa. Paypa kausayninmanta mayta yachakusunman.
Miqueas libromanta yachakuna
Miqueas libroqa, yachachiwanchej Jehová Diospa kamachiykunasnenqa allinninchejpajpuni kasqanta.
Nahúm libromanta yachakuna
Nahúm libroqa willawanchej, Jehová nisqasninta juntʼasqantapuni, Gobiernon allin kausayta apamunanta suyakojkunatataj sonqochasqanta.
Habacuc libromanta yachakuna
Jehovaqa maykʼajchus, imaynatatajchus llajtanta salvananta yachan. Paypitaj atienekuna tiyan.
Sofonías libromanta yachakuna
¿Allinchu kanman Jehovaj pʼunchaynin mana chayamunanta yuyananchej?
Hageo libromanta yachakuna
Hageo libroqa, yachachiwanchej munayninchejmanta nisqaqa, Diosta yupaychayta ñaupajman churananchej kasqanta.
Zacarías libromanta yachakuna
Ñaupa tiempopi, Jehovaqa llajtanta Zacariasnejta kallpacharqa. Chaypajtaj mosqoypi jina t’ukuna imasta rikucherqa. Chayqa rikuchiwanchej, Jehová noqanchejtapis yanapashawasqanchejta.
Malaquías libromanta yachakuna
Kay libroqa willawanchej, Jehová Diospa khuyakuynin, munakuyninpis kikillanpuni kasqanta. Yachachisqantaj kay tiempopi mayta yanapawasunman.
Mateo libromanta yachakuna
Kay libro imasmantachus parlasqanta yachakuspa miskʼirichikuy. Mateo libroqa tawa evangeliosmanta ñaupaj kaj.
Marcos libromanta yachakuna
Marcos libroqa imastachus Jesús Diospa Reinonpi kamachishajtin ruwananmanta parlan.
Lucas libromanta yachakuna
¿Imastataj Lucas librolla willawanchej?
Juan libromanta yachakuna
Juan libroqa Jesús mayta munakuwasqanchejta willawanchej. Willallawanchejtaj Jesús llampʼu sonqo kasqanta, Mesías kasqanta, Diospa Gobiernonpi rey kasqanta ima.
Hechos libromanta yachakuna
Ñaupa cristianosqa, mayta llankʼarqanku tukuy laya runasta Jesuspa yachachisqasninman tukuchinankupaj. Hechos libroqa Diosmanta tukuy sonqo willamunapaj yanapawasun.
Romanos libromanta yachakuna
Romanos libroqa willawanchej, Jehová tukuy runasta uj rejllata qhawasqanta, Jesucristopi creenanchej kasqanta ima.
Ñaupaj kaj Corintios libromanta yachakuna
Pabloqa yuyaychawanchej ujchasqa kananchejta, khuchichakuy juchamanta ayqenanchejta, munakuyniyoj kananchejta, wañusqas kausarimunankupitaj creenanchejta.
Iskay kaj Corintios libromanta yachakuna
Jehová Diosqa, pichus ‘tukuy imapi sonqochaj Dios’ kamachisninta kallpachan, yanapantaj.
Gálatas libromanta yachakuna
Pablo Galaciamanta kajkunaman qhelqasqanqa ñaupa tiempomanta cristianosta yanaparqa, kay tiempomanta cristianostapis yanapallawasunmantaj.
Efesios libromanta yachakuna
Efesios libroqa parlashan, Jesucristonejta Dios allin kausayta apamunanmanta, ujchasqas kausakunanchejta munasqanmantataj.
Filipenses libromanta yachakuna
Llakiykunapi kaspa sinchʼita sayasqanchejqa, hermanosta yanapanqa paykunapis sinchʼita sayanankupaj.
Colosenses libromanta yachakuna
Jehová Diosqa allinpaj qhawawasun nisqanman jina kausakojtinchej, perdonanakojtinchej, Jesustataj Reyninchejta jina qhawajtinchej.
Ñaupaj kaj Tesalonicenses libromanta yachakuna
Rijchʼarisqas kana, imaschus aswan allin imas kasqanta reparana, mana saykʼuspa Diosmanta mañakuna, purajmantataj kallpachanakuna.
Iskay kaj Tesalonicenses libromanta yachakuna
Pabloqa cheqancharqa wakin runas Jehovaj pʼunchayninmanta mana allinta yuyasqankuta, hermanostataj nerqa sinchʼillatapuni sayanankuta.
Ñaupaj kaj Timoteo libromanta yachakuna
Pabloqa Ñaupaj kaj Timoteopi nerqa imastachus congregacionpi ruwakunanta, nillarqataj llulla yachachiykunamanta, qolqeta munakuymanta ima qhawarikunata.
Iskay kaj Timoteo libromanta yachakuna
Pabloqa Timoteota kallpacharqa Diospaj llankʼayninta allinta juntʼananpaj.
Tito libromanta yachakuna
Tito libroqa parlan Creta congregacionespi ima problemaschus kasqanmanta. Parlallantaj hermanos ancianos kanankupaj imastachus juntʼanankumanta.
Filemón libromanta yachakuna
Kay cartapeqa juchʼuylla kajtinpis yachakunchej llampʼu sonqo kayta, kʼacha kayta, perdonayta ima.
Hebreos libromanta yachakuna
Diosta yupaychanapajqa mana templostapunichu, nitaj animalesta qʼolachiytapunichu necesitanchej.
Santiago libromanta yachakuna
Santiagoqa parlan tukuy cristianospa sonqonkuman chayananpaj jina.
Ñaupaj kaj Pedro libromanta yachakuna
Ñaupaj kaj Pedro libroqa kallpachawanchej mana saykʼupunapaj, tukuy llakiyninchejtataj Diosman saqepunapaj.
Iskay kaj Pedro libromanta yachakuna
Kay cartaqa kallpachawanchej mosoj cielota, mosoj jallpʼata ima pacienciawan suyakunanchejpaj.
Ñaupaj kaj Juan libromanta yachakuna
Juanqa kay cartapi yuyaychawanchej anticristosmanta qhawakunata, nillawanchejtaj imastachus munakunata.
Iskay kaj Juan libromanta yachakuna
Iskay kaj Juanqa yuyarichiwanchej cheqa kajllapipuni purinanchejta, llulla yachachejkunamantataj jarkʼakunanchejta.
Kinsa kaj Juan libromanta yachakuna
Kinsa kaj Juan cartapeqa yachakunchej cristianos wajyarinakuyta yachananchej kasqanta.
Apocalipsis libromanta yachakuna
Apocalipsis libroqa nin apóstol Juan mosqoypi jina rikusqanman jina, imaynatachus Dios Gobiernonnejta munayninta juntʼananta.
Kaykunatapis qhawaykurillawajtaj
LIBROS, FOLLETOS