Me tohto kin medewe me sohte mie elen kamwahwihala kahpwal kan me kin wiewiawi nin sampah nan pahr 2024. Ahpw kitail kak diar koapworopwor ong ahnsou kohkohdo. Ia wasa?

 Paipel inoukihda me Koht pahn ketin kamwahwihala kahpwal kan me kin kahrehiong en mwomwen me solahr atail koapworopwor rahnwet. Ahnsou keren, Koht “pahn ketin limwihasang pilen masarail kan koaros, oh mehla solahr pahn wiawi, solahr mwahiei, solahr sengiseng oh solahr medek.”—Kaudiahl 21:4.

•   Pwehn kalaudehla omw sukuhlki inou kan nan Paipel duwen ahnsou kohkohdo, menlau wadek oaralap “A Real Hope for a Better Tomorrow.”

 Paipel kin kihda koapworopwor ong ahnsou kohkohdo me kak seweseiuk en powehdi pepehm en mwoaros oh ahneki nsenamwahu. (Rom 15:13) Kaweid en Paipel pil kak seweseiuk en apwalihala kahpwal kan me ele ke ahneki met, me duwehte semwehmwe, wiewia sapahrek, oh soumwahu.

•   Tehk ia duwen koapworopwor me Paipel kihda eh sewese ohl emen en diar popohl oh peren mendahki e tikida semwehmwe. Menlau kilang kisin kasdo Juan Pablo Zermeño: Jehovah Gave Me a Meaningful Life.

•   Tehk ia duwen Paipel eh kak seweseiuk ni omw kin nsensuwedkihla omw wiahda sapwung, mworusala, pwunod, oh ni emen me ke poakohng eh mehla. Menlau wadek oaralap “Can I Find Words of Comfort in the Bible?”

•   Kilang ia duwen lih emen me iang sounpei mahso eh karasahiong ih duwehte “aramas rotorot men me sohte nsenohki meteikan.” Liho diar koapworopwor pwehki dahme e sukuhlki nan Paipel. Menlau kilang kisin kasdo I Put Down My Rifle.

 Wiahiong pahr 2024 en mwahuwong kowe oh omw peneinei. Kalaudehla omw sukuhlki ia duwen Paipel eh kak seweseiuk. Song at koasoandi en koasoiapene duwen Paipel. Koasoandi wet sohte isepe. Sukuhlki ia duwen Koht eh kak ketikihong uhk ‘koasoandien kapaiaiukada’ ahnsou wet oh pil ‘koasoandi kan en ahnsou kohkohdo kan me ke kin kasikasik.’—Seremaia 29:11.