“Sampah unsek mi pahn manaman en Me Suwedo.”​—1 Sohn 5:19.

“Sapwellimen Koht Iehroso ketido . . . pwe en kauwehla doadoahk en Tepilo.”​—1 Sohn 3:8, Pwuhk Sarawi ni Mahsen en Pohnpei.

Kawehwe sansal ong kahpwal en sampah.​—Kaudiahl 12:12.

Kahrepen en kamehlele me sampah wet pahn mwahula.​—1 Sohn 2:17.

Ei, pwehki kahrepe siluh pwukat:

• Ahn Sehdan kaunda pahn imwisekla. Siohwa ketin koasoanehdi en kauhdi ahn Sehdan kaunda aramas. E ketin inoukihda “en kauwehla Tepil” oh kapwungala kahpwal koaros me Sehdan wiahda.​—Ipru 2:14.

• Koht ketin pilada Sises Krais en kaunda sampah. Sises uhdahn weksang kaunen sampah wet me kin lemei oh roporop. Me pid kaundahn Sises nin duwen nanmwarki, Koht ketin inoukihda: “E kin ketin kupwurkalahngan ong me luwet oh semwehmwe kan; . . . E kin ketin kapitirailla sang nan arail kehnaudek oh angkehlail kan.”​—Melkahka 72:13, 14.

• Koht sohte kak ketin likamw. Paipel kasalehda ni sansal: “Koht me sohte kak ketin wiahda likamw.” (Ipru 6:18) Ni Siohwa eh ketin inoukihda mehkot, met pahn duwehte me e pweidahier. (Aiseia 55:10, 11) “Kaunen sampah wet pahn lekdekla.”​—Sohn 12:31.