¿Nikʼ najtil inchahmik?

Mareh jenaj hora.

¿Ahaʼ narubʼanariik?

Tiqʼoroq ruukʼ jenoʼ testigo reh Jehová ahaʼ wiiʼ tipatinik, jeʼ reʼ ne inanabʼeej ahaʼ narubʼanariik.

¿Intojarik na reh chi ne tiʼokik?

Maʼ intojarik ta.

¿Inkipahqaaj na tumiin?

Pan kimoloj iibʼ taqeh testigo reh Jehová maʼ inkipahqaaj ta tumiin.

¿Nikʼwach asoʼ naʼakojom?

Maʼ ko ruman ta chi xa holohik chik asoʼ naʼakojom. Xa reʼ laʼ, reʼ taqeh testigo reh Jehová inkikoj i kisoʼ saq wach eh iruyeew ruloqʼil i Dios, jeʼ rukabʼ iruqʼor i Santo Laj Huuj (1 Timoteo 2:9). Maʼ ko ruman ta chi ne inakoj asoʼ kʼih tzʼaaq oon xa holohik chik wach.

¿Chajariik inbʼanjik noq inkʼulik pan qakʼux i rukimiik i Jesús?

Noq inqatoqʼaaʼ i moloj iibʼ, inbʼanjik jenaj tzʼuuy eh jenaj testigo reh Jehová irubʼan i tiij. Chi riij i reʼ, inkiqʼor jenaj kʼuhbʼaal inqʼorik chi riij chaaj woʼ reet ko ruman chi ne inkʼulik pan qakʼux i rukimiik i Jesús eh nikʼwach qojrutobʼeej i Dios eh i Cristo ruukʼ xkibʼan chi qiij. Pan rukuxiik, inbʼanjik woʼ chik jenaj tzʼuuy eh jenaj tiij..

Reh chi ne inareq chi riij, chawil wach i naʼojbʼal pan internet «Noq reʼ taqeh testigo reh Jehová inkʼulik pan kikʼux i rukimiik i Jesús, ¿chaaj woʼ reet maʼ inkibʼan ta jeʼ rukabʼ taqeh tokoom iglesia?»

¿Chajariik q’iij narub’aan i rukʼuliik pan qakʼux i rukimiik i Jesús taqeh haab’ chalik reh?

2025: Sábado 12 reh abril

2026: Jueves 2 reh abril