یہوواہ دے گواہواں دی گورننگ باڈی کیہہ اے؟
گورننگ باڈی پُختہ مسیحیاں دا اِک چھوٹا گروہ اے جیہڑا پوری دُنیا چ یہوواہ دے گواہواں دی رہنمائی کردا اے۔ گورننگ باڈی دو کم کردی اے:
اوہ بائبل چوں تلیم تے تربیت دین دے کم دی نگرانی کردی اے جیہڑا کتاباں، رسالیاں، عبادتاں تے فرق فرق سکولاں دے ذریعے کیتا جاندا اے۔—لُوقا 12:42۔
اوہ یہوواہ دے گواہواں دے مُنادی دے کم دی نگرانی کردی اے تے ایہہ وی فیصلہ کردی اے کہ عطیات کیویں تے کتھے استمال ہون گے۔
اَج گورننگ باڈی اوسے طرحاں کم کردی اے جیویں پہلی صدی عیسوی چ یروشلیم چ بزرگاں تے رسولاں دی جماعت کردی سی۔ ایہہ جماعت کلیسیا دی رہنمائی کردی سی تے ایہدے لئی ضروری فیصلے کردی سی۔ (اعمال 15:2، 6) پہلی صدی دے بزرگاں وانگوں اَج گورننگ باڈی دے ممبر وی اپنے آپ نُوں تنظیم دے لیڈر نئیں سمجھدے۔ اوہ بائبل توں رہنمائی لیندے نیں کیونکہ اوہ ایس گل نُوں چنگی طرحاں سمجھدے نیں کہ یہوواہ خدا نے یسوع مسیح نُوں کلیسیاواں دا سربراہ مقرر کیتا اے۔—1-کُرنتھیوں 11:3؛ اِفسیوں 5:23۔
گورننگ باڈی دے ممبر کون نیں؟
ایس وقت گورننگ باڈی دے ممبر ایہہ نیں: کینتھ کُک، گیج فلیگل، سموئیل ہرڈ، جیفری جیکسن، سٹیون لیٹ، گیرٹ لوش، مارک سینڈرسن، ڈیوڈ سپلین، جیفری وائنڈر۔ ایہہ سارے امریکہ چ ساڈے ہیڈ کوارٹر چ خدمت کردے نیں۔
گورننگ باڈی کیویں کم کردی اے؟
گورننگ باڈی نے کم دی نگرانی کرن لئی چھ کمیٹیاں بنائیاں نیں۔ گورننگ باڈی دا ہر ممبر ایہناں کمیٹیاں وچوں اِک یاں اِک توں زیادہ چ خدمت کردا اے۔
منتظمین دی کمیٹی: ایہہ کمیٹی قانونی معاملیاں دی نگرانی کر دی اے۔ ایہدے علاوہ جدوں کوئی قدرتی آفت آندی اے یاں یہوواہ دے گواہواں نُوں اپنے ایمان دی وجہ توں اذیت دِتی جاندی اے تے ایہہ کمیٹی مدد کرن لئی فوراً قدم چُک دی اے۔
بیتایل دے عملے دی کمیٹی: ایہہ کمیٹی بیتایل چ خدمت کرن والے بھین بھراواں لئی ضروری اِنتظام کردی اے۔
اشاعت دی کمیٹی: ایہہ کمیٹی بائبل تے مبنی کتاباں تے رسالیاں دی چھپائی تے اوہناں نُوں فرق فرق علاقیاں تک پونچان دا بندوبست کردی اے۔ ایہدے علاوہ ایہہ عبادتگاہواں، ترجمے دے دفتراں تے برانچاں دی تعمیر دے کم دی نگرانی وی کر دی اے۔
خدمتی کمیٹی: ایہہ کمیٹی دُنیا بھر چ بادشاہی دی خوشخبری سنان دے کم دی نگرانی کردی اے۔—متی 24:14۔
تلیمی کمیٹی: ایہہ کمیٹی عبادتاں، سکولاں تے آڈیو ویڈیو پروگراماں دے ذریعے تلیم دین دا اِنتظام کردی اے۔
مضمون نویسی دی کمیٹی: ایہہ کمیٹی ساڈی ویبسائٹ تے کتاباں دے ذریعے دِتی جان والی تلیم دا اِنتظام کردی اے۔ ایہدے علاوہ ایہہ ترجمے دے کم دی نگرانی وی کردی اے۔
ایہناں کمیٹیاں دے ذریعے کم کرن دے علاوہ گورننگ باڈی دے ممبر ہر ہفتے جمع ہوندے نیں تاکہ اوہ تنظیم دِیاں ضرورتاں تے غور کر سکن۔ اوہ کوئی وی فیصلہ کرن توں پہلاں بائبل دے اصولاں تے غور کردے نیں تے دُعا کردے نیں تاکہ یہوواہ خدا دی پاک روح اوہناں دی رہنمائی کر ے۔—اعمال 15:25۔
گورننگ باڈی دے مددگار کون نیں؟
گورننگ باڈی دے مددگار بھرا بھروسےمند مسیحی نیں۔ (1-کُرنتھیوں 4:2) ایہناں بھراواں نُوں اوہناں کمیٹیاں چ خدمت کرن لئی مقرر کیتا جاندا اے جنہاں دے کم دا ایہناں نُوں تجربہ ہوندا اے۔ ایہہ بھرا وی ہر ہفتے اپنے کم تے غور کرن لئی جمع ہوندے نیں۔ بھانویں کہ اوہ فیصلے لین چ شامل نئیں ہوندے پر اوہ مشورے تے معلومات دیندے نیں، اوہ ایس گل دا دھیان رکھدے نیں کہ کمیٹیاں دے فیصلیاں تے عمل ہووے۔ اوہ فیصلیاں دے نتیجیاں تے وی غور کردے نیں۔ گورننگ باڈی ایہناں بھراواں نُوں دُنیا دے فرق فرق حصیاں چ یہوواہ دے گواہواں دی حوصلہافزائی کرن لئی گھلدی اے۔ ایہدے علاوہ ایہناں نُوں سالانہ اجلاس، گلئیڈ گریجویشن تے ایہو جہے ہور موقعیاں تے تقریراں دین لئی وی مقرر کیتا جاندا اے۔
کمیٹی |
ناں |
---|---|
منتظمین دی کمیٹی |
|
بیتایل دے عملے دی کمیٹی |
|
اشاعت دی کمیٹی |
|
خدمتی کمیٹی |
|
تلیمی کمیٹی |
|
مضمون نویسی دی کمیٹی |
|