خدا او‌ہناں دے سارے اتھرو پو‌نجھ دَو‌ے گا تے نہ مو‌ت رہو‌ے گی، نہ ماتم، نہ رو‌نا، نہ درد۔ جو کجھ پہلے ہو‌ندا سی او‌ہ سب ختم ہو گیا۔—‏مکاشفہ 21:‏3، 4‏۔‏

تو‌انو‌ں اپنی محنت دا پو‌را صلہ ملے گا۔—‏یسعیاہ 65:‏21-‏23‏۔‏

تو‌انو‌ں ہر طرحاں دی بیماری تے دُکھ تکلیف تو‌ں چھٹکارہ ملے گا۔—‏یسعیاہ 25:‏8؛‏ 33:‏24‏۔‏

تو‌انو‌ں اپنے خاندان تے دو‌ستاں نال ہمیشاں تک زندہ رہن دی برکت ملے گی۔—‏زبو‌ر 37:‏11،‏ 29‏۔‏

ذرا دو گلاں تے غو‌ر کرو:‏

• خدا کو‌ل اپنے و‌عدے پو‌رے کرن دی طاقت اے۔‏ پاک کلام چ یہو‌و‌اہ خدا نُو‌ں قادرِمطلق کہیا گیا اے جدا مطلب اے کہ او‌ہدی طاقت دی کو‌ئی حد نئیں۔ (‏مکاشفہ 15:‏3‏)‏ ایس لئی او‌ہ اپنے و‌عدے مطابق دُنیا دے حالات پو‌ری طرحاں بدل سکدا اے۔ پاک کلام چ دَسیا گیا اے کہ خدا لئی سب کجھ کرنا ممکن اے۔—‏متی 19:‏26‏۔‏

• خدا اپنے و‌عدے پو‌رے کرن دی دلی خو‌اہش رکھدا اے۔‏ مثال لئی، پاک کلام چ دَسیا گیا اے کہ یہو‌و‌اہ خدا مُردیاں نُو‌ں زندہ کرن لئی بےتاب اے۔—‏ایو‌ب 14:‏14، 15‏۔‏

  پاک کلام سانو‌ں ایہہ و‌ی دَسدا اے کہ یسو‌ع مسیح نے بیماراں نُو‌ں شفا دِتی کیو‌نکہ او‌ہ لو‌کاں دی دلو‌ں مدد کرنا چاہندا سی۔ (‏مرقس 1:‏40، 41‏)‏ یسو‌ع مسیح ہو بہو اپنے باپ و‌رگا سی۔ ایہدے تو‌ں پتہ چلدا اے کہ خدا و‌ی دُکھی لو‌کاں دی مدد کرنا چاہندا اے۔—‏یو‌حنا 5:‏19‏۔‏

  ایس لئی اَسی یقین رکھ سکنے آں کہ یہو‌و‌اہ خدا تے یسو‌ع مسیح دو‌نو‌یں چاہندے نیں کہ ساڈا مستقبل و‌دھیا ہو‌و‌ے۔—‏زبو‌ر72:‏12-‏14؛ 145:‏16؛ 2-‏پطرس 3:‏9‏۔‏