یسوع جدوں زمین تے سی تے اوہنے لوکاں لئی بڑی محبت وکھائی۔ اوہنے تے لوکاں دی خاطر اپنی جان تک قربان کر دِتی۔ (‏متی 20:‏28؛‏ یوحنا 15:‏13‏)‏ یسوع ہُن خدا دی بادشاہی دا بادشاہ بن گیا اے۔ اوہ چھیتی ای فیر توں انساناں لئی اپنے پیار دا ثبوت دَوے گا تے پوری زمین توں جنگاں نُوں ختم کر دَوے گا۔—‏زبور 46:‏9‏۔‏

 بائبل چ دَسیا گیا اے کہ جدوں زمین تے یسوع دی حکومت قائم ہوئے گی تے اوہ کیہہ کرے گا:‏

•    اوہ اوہناں غریباں دی مدد کرے گا جیہڑے مدد لئی فریاد کردے نیں۔ نالے اوہ نُمانیاں تے اوہناں لوکاں دی مدد کرے گا جنہاں دا کوئی مددگار نئیں۔ اوہ نُمانیاں تے غریباں تے ترس کھائے گا تے غریباں دی جان بچائے گا۔ اوہ اوہناں نُوں بدسلوکی تے ظلم توں بچائے گا۔—‏ زبور 72:‏12-‏14‏۔‏

 یسوع نے انساناں لئی بوہت کجھ کیتا اے تے اَگے وی بوہت کجھ کرے گا۔ اَسی اوہدے لئی شکرگزاری کیویں ظاہر کر سکنے آں؟ لُوقا 22:‏19 چ یسوع مسیح نے اپنے شاگرداں نُوں کہیا کہ اوہ اوہدی قربانی نُوں یاد رکھن۔ ایسے لئی پوری دُنیا چ یہوواہ دے گواہ ہر سال اوہدی موت دی یاد منان لئی کٹھے ہوندے نیں۔ ایس سال اِتوار، 24 مارچ 2024 نُوں یسوع دی موت دی یاد چ اِک خاص عبادت ہوئے گی۔ اَسی توانوں ایس عبادت تے آن دی دعوت دینے آں۔‏

یادگیری عبادت دا وقت تے پتہ جانو