خدا پوری کائنات نُوں چلا رہیا اے تے اوہدی طاقت دی کوئی حد نئیں۔ مثال لئی پاک کلام چ دَسیا گیا اے کہ اوہنے بے‌شمار تارے کیویں بنائے نیں۔ یسعیاہ 40:‏25، 26 چ لکھیا اے:‏اپنیاں اَکھاں اُتے چُک کے ویکھو کہ ایہناں ساریاں دا خالق کون اے۔ اوہی جیہڑا ایہناں دے لشکر نُوں گن گن کے کڈھ دا اے تے اوہناں ساریاں نُوں ناں لے کے بلا‌ندا اے۔ اوہدی طاقت دی عظمت تے اوہدی بانہہ دی توانائی دی وجہ توں اِک وی غیرحاضر نئیں رہندا۔‏

 پر پاک کلام چ دَسیا گیا اے کہ اوہ اِک ایہو جہی ہستی اے جیہڑی صرف طاقت ای نئیں رکھدی سگوں جذبات وی رکھدی اے جیویں کہ محبت تے نفرت۔ (‏ زبور 11:‏5؛‏ یوحنا 3:‏16‏)‏ بائبل چ ایہہ وی دَسیا گیا اے کہ خدا انساناں دے چنگے کماں توں خوش ہوندا اے تے اوہناں دے بھیڑے کماں توں دُکھی ہوندا اے۔—‏زبور 78:‏40، 41‏۔‏