‘Ahi houl siamet ran mete. Matien ka tangien hetovuol emun. Isien ka mahien hevus vare. Sakien keil talamu ten mahien ka matien irlestei mun.’—Revelesen 21:3, 4, Niu Wol Translesen.

Ileleien keil enek katounuk kovalesi ke umen onom keil arvite ten heisap enges, ka koliea kovasik ven umen ene keile.—Aesea 65:21-23.

Kei mumoni ko kilea ke, meseien hetovuol emun, ka meatin herlong teimun mahien en aven.—Aesea 25:8; 33:24.

Kei katounuk ke kokilea kovasik vatalmin onom keil kosa ka lisenges.—Sam Keil 37:11, 29.

Anatin, ven rentemien keile:

• Ahi kei vinvin voumon hatkatien onen keil avame avakistal. En Tus Votut, Ahi keisasen es kur eis koa Ahi koa keihoen onen marite vis marite mok. (Revelesen 15:3) Sakini kei vinvin vakurkat hatkatien onen ke voumon out netan eke vame ris vatahos emok. Suval Tus Votut viteni, Ahi kei vinvin voumon tounah vasi keil.—Matiu 19:26.

• Ahi kei invati mok voumon hatkatien onen keil avame avakistal. Kindem visi. Yehova viteni ven Daniel vit. “Kimat ka kimoul eris.” Anatin, Ahi invati mok ke voumon meatin keil koa umat avamoul eris.—Daniel 12:13.

  Tus Votut viteni mun vit, Yesu mumon meatin keil koa amesai ume ris atahos. ?Vensa? Veni kei envati voumoni vamukone. (Mak 1:40,41) Yesu rielat sakien onen tatonen, envati mok vakatoun meatin keil ke amulen tisaen.—Sion 14:9.

  !Sakini rokilea ke Yehova keilu Yesu ealu vati mok luva katoun ir rova longe votahos en weis! (avong koa hemei veah)—Sam Keil 72:12-14; 145:16; 2 Pita 3:9.