“Selusien keil amulen Tus Votut aka ven Ahi.”—2 Timoti 3:16, Niu Wol Translesen.

Katounuk ke kovakur longlongien ten memari hihiseien keil.—Proveb 2:1-5.

Katounuk ke lisenges ko kaka musil asa ke Tus Votut viteni.—Sam Keil 119:105.

Katounuk kokilea kovaling rentemien onom valen avong tetahos ta koa hemai veah en weis (avong koa hemai veah).—Rom 15:4.

Anatin, ven rentemien keile:

• Selusien keil onen ume atas. Meatin keil keil 40 ke amutis lat Tus Votut. Ouh koa amutis vasi Tus Votut eni vi 1,600. Meatin enek keil avi houlu ka amoul en ean sapsap. Avaseini ke mukone, ka selusien keil ten Tus Votut koa amutisi ume atas ka aselus usil vati tounah tanges.

• Viten anatinien en usite ten tunien talamu. Navong meatin keil amutis usil tunien onen meatin ta, avit usil momoreh tounah es koa meatin enek mumoni. Ka Tus Votut kei tesap. Koa keil amutis Tus Votut, amutis tounah vasi keil avaseini tahos vuo tisa. Ka amutis lat tisaen onen meatin keil emun.—2 Kronikel 36:15,16; Sam Keil 51: 1-4.

• Navong koa keil aviten hitluvatien onen Ahi, lises selusien ene kistal me vi anatin suval hitluvatien ene. Ouh 200 tuwai ke Tus Votut vitmesin out Babilon ke avong ta hetovuol emun. (Aesea 13:17-22) Ka kei roviten teiges vahit out tene hevuol. Vit lat isen meatin emun koa hekur lat out Babilon.—Aesea 45:1-3.

  Hitluvatien tei mun koa Tus Votut viteni, vit vasi titi tounah keil koa hekistal. Ka titi tounah ene keile keil vasi ume akistal Tounah ene keile arielati ke Tus Votut vi selusien onen Ahi.—2 Pita 1:21.