Tiedich zemorjes aum Mondach, dän 6. Feebawoa 2023 wia em Sied-Oosten von de Turkei een sea grootet Ieedbäben, waut 7.8 stoakj wia. Un lota wia doa en deeselwje Jäajent een tweedet Ieedbäben, waut 7.5 stoakj wia. No daut wieren en dee Jäajent noch miere kjlandre Ieedbäbens to späaren. Derch dise Ieedbäbens sent äwa 21 000 Menschen jestorwen un äwa 74 000 worden velazt.

• Daut es truarich, daut en de Staut Adana eene elre Sesta jestorwen es

• En de Staut Adiyaman sent een Brooda, siene Fru, dee äa Kjint un uk eent von dee äa Frintschoft noch emma unja een toopjekjeiweldet Jebied faust

• 3 Hiesa worden gaunz vestieet

• 17 Hiesa haben väl Schoden jekjräajen

• 17 Hiesa haben een bät Schoden jekjräajen

• 1 Vesaumlungshus haft väl Schoden jekjräajen

• 1 Vesaumlungshus haft een bät Schoden jekjräajen

• Aunjestalde Breeda doonen deejanje treesten un em jeisteljen stoakjen, waut von dit Ieedbäben betroffen sent

• 2 Nootfaulkommitees sent doa aunjestalt toom uthalpen

Dit sent de latste Zolen, waut wie bat nu jekjräajen haben.

Wan doa uk daut groote Ieedbäben wia un miere kjlandre Ieedbäbens, kjrieejen onse Breeda oba Troost. Dee weeten, daut Jehova “onse Tooflucht [es] uk onse Krauft. Hee es eene jewenschte Help en groote Noot” (Psalm 46:2, PB).