“Nu, daut de COVID-19-Krankheit nich mea een Nootfaul oppe gaunze Welt es, meent daut oba nich, daut dise Krankheit de Menschen nich mea schoden kaun. … Wie kjennen ons secha sennen, daut lota wada eene wiet vespreede Krankheit oppkomen woat. Doawäajen mott wie ons doafäa reedmoaken” (Dr. Tedros Adhanom Ghebreyesus, Väaschta von de World Health Organization, 22. Mei 2023).

 Väl Menschen haben noch emma wäajen de COVID-19-Krankheit Trubbels met de Jesuntheit ooda met de Narfen. Woaren de Rejierungen un de Hospitols un Doktasch reed sennen, wan doa wada eene wiet vespreede Krankheit oppkjemt? Kjennen dee verheipts eene Leesunk finjen fa de Krankheiten, waut et nu jeft?

 De Bibel sajcht, daut “Gott em Himmel een eewjet Rikj [ooda Rejierunk] oppstalen” woat (Daniel 2:44, PB). Dise Rejierunk woat sikj goot om onse Jesuntheit kjemren. Wan dee rejieet, dan woat sikj daut erfellen, waut wie en Jesaja 33:24 (PB) läsen: “Kjeena von june Menschen woat sajen: “Ekj sie nich jesunt””. Jieda eena woat dan jesunt sennen un woat soo väl Krauft haben aus dan, aus dee junk wia (Hiob 33:25).