Oba doch beduaren väle, aus see daut woaren beläwen, waut see sikj wenschen. Dee haben must seenen, woo sikj onverhofs aules endat, soo aus bie de COVID-19-Krankheit. Biejlikj woat et met daut Jelt schwanda, daut Läwen dreit äwa Kopp ooda es en Jefoa. Derch soont jleewen väle, daut een scheenet Läwen goanich woat mäajlich sennen.

Wäajen de Menschen sikj soo onsecha sent, sieekjen dee sea no waut, waut an kaun een goodet Läwen brinjen. Eenje jleewen daut et irjenteene onsechtboare Macht jeft, waut daut Läwen kontrolt un biejlikj met Woasajarie to lenkjen jeit. Aundre jleewen, daut see derch sikj utlieren loten un Rikjtum woaren daut kjrieen, waut see sikj wenschen. Noch aundre denkjen, daut een gooda Mensch sennen aules es, waut eenem fält fa een scheenet Läwen.

Woaren dise Sachen die werkjlich kjennen een scheenet Läwen brinjen? Om daut ruttofinjen, wudd daut goot sennen, äwa een poa Froagen notodenkjen. Soo aus:

• Es doa eene onsechtboare Macht, waut daut Läwen kontrolt?

• Kjennen Schoolen un Jelt die een bätret Läwen vesechren?

• Rieekjt daut too, een gooda Mensch sennen, toom een scheenet Läwen haben?

• Wua kaust du de baste Help fa een scheenet Läwen finjen?

Dis Woaktorm beauntwuat die dise Froagen.