Launtkoaten von de Bibel
En daut huachdietsche Heft “Das gute Land sehen” sent een deel krakjte Launtkoaten von de Bibel bennen, waut die halpen kjennen, de Schreft noch bäta to studieren. En de Bibel woat foaken äwa Städen, Lenda un Städa jerät. Derch dise Launtkoaten kaust du dien Bibelläsen un dien Bibelstudium läwendich moaken. En “Das gute Land sehen” kaust du seenen, wua de Städen en de Schreft krakjt wieren un du woascht die uk bäta kjennen väastalen, waut de Jäajenden enne Bibel met daut to doonen haben, waut doa passieed.
En “Das gute Land sehen” sent väl kalieeje Launtkoaten von dee Städen bennen, wua de Schreft von rät. Doa sent uk aundre Sachen bennen, soo aus Launtkoaten un Bilda, waut metem Komputa jemoakt worden.
Dise Launtkoaten halpen die . . .
de Reisen von Abraham, Isaak un Jakob bäta to vestonen
krakjt to seenen, woonen Wajch de Israeliten neemen, aus dee Ägipten veleeten un no daut vesproakne Launt reisden
to seenen, wua de Velkja krakjt wonden, waut Israel äare Fiend wieren
die bäta väatostalen, en woone Jäajent Jesus en sienen Deenst reisen deed
bäta to vestonen, woo groot de Städen wieren, waut de Weltmachten ooda Rejierungen unja äare Macht hauden, wua de Bibel von rät, soo aus Babel, Griechenlaunt un Room
Dise Launtkoaten fa de Bibel kosten nuscht un du kaust dee opp Huachdietsch opp onse Websied finjen.
Veleicht jleichst du uk dit
HELP TOOM DE BIBEL STUDIEREN
Bieekja toom noforschen äwa de Bibel
En Einsichten über die Heilige Schrift finjt eena dusende Erkjläarungen äwa Sachen soo aus dise: Menschen, Städen, Plaunten, Tieren, wichtje Sachen, waut passieeden un Jlikjnisen, waut en de Schreft väakomen. En de Utgow toom raufloden sent Launtkoaten un veschiedne Bilda bennen. Butadäm uk eene List, wua eena Sachen äwa bestemde Teemasch ooda Bibelvarzhen sieekjen kaun.
HELP TOOM DE BIBEL STUDIEREN
De Schreft kort toopjefot
En daut Heft De Bibel: Om waut jeit daut doa bennen? woat daut, waut en de Schreft steit, kort toopjefot. Daut halpt die uk vestonen, von waut de Schreft em gaunzen rät.