LESSON 02
Di Bivvel Gebt Em Hofning
Leit gans ivvah di veld henn problems es si sad un anxious shpiahra macht, un even si shmatza gebt. Hosht du selayva so kshpiaht? Fleicht bisht du deich en haddi zeit am gay koss funn grank sei, adda koss ebbah in di family adda en friend is kshtauva. Du mechsht vunra, ‘Zayla sacha selayva bessah vadda?’ Di Bivvel hott en ensah zu sellah question.
1. Vass fa hofning gebt di Bivvel uns?
Di Bivvel sawkt favass ma so feel problems henn, avvah es sawkt aw vi Gott dee problems vekk nemma zayld. Di Bivvel dutt em “en hofning gevva fa shpaydah naus.” (Lays Jeremia 29:11, 12.) Deah promise helft uns fa deela mitt unsah problems. Es helft uns aw fa sayna vi miah haebbi sei kenna fa’immah.
2. Vass fashprecht di Bivvel fa da future?
Di Bivvel sawkt funn en zeit vann’s “kenn shtauves, adda heiles, adda brilles, adda shmatza may sei” zayld. (Lays Offenbarung 21:4.) Di problems es leit soffahra macht heit, so vi nett genunk havva fa layva, nett feah getreet sei, grankeda, un da doht, zayla nimmi sei. Di Bivvel promised es mensha zayla layva enjoya fa’immah inna Paradise uf di eaht.
3. Vi kansht du shuah sei es di promises in di Bivvel voah kumma zayla?
Feel leit hoffa es sacha zayla bessah vadda, avvah si sinn nett shuah eb sell selayva haebna zayld. Vass di Bivvel sawkt is diffand. Miah kenna unsah glawva shteikah macha bei in di Bivvel gukka fa shuah macha “eb dee sacha so sinn.” (Apostelgeschichte 17:11) Vann du di Bivvel shtoddisht zaylsht du able sei fa diseiyda fa dich selvaht eb du glawva kansht vass’s sawkt veyyich da future.
LANN MAY
Gukk an samm funn di sacha es di Bivvel fashprecht fa da future. Lann vi di hofning funn di Bivvel leit am helfa is heit.
4. Di Bivvel sawkt miah kenna layva fa’immah unni ennich soffahres
Gukk moll an da list funn promises es kfunna sinn in di Bivvel. Velli promises gleichsht du’s besht? Favass is sell special zu dich?
Lays di shrifta nayvich selli promises, un denk veyyich dee questions:
-
Denksht du dee shrifta kenna dich helfa? Denksht du si kenna dei family un friends helfa?
Denk moll vi’s veah fa inna veld layva vann
|
NIMMAND MAY . . . |
ALLI-EBBAH . . . |
|---|---|
|
|
|
|
|
|
|
|
|
|
5. Di promises funn di Bivvel kenna en diffans macha
Feel leit sinn discouraged adda even bays bei di problems es si sayna heit. Dayl leit shaffa hatt fa boviahra sacha bessah macha. Lann vi di promises funn di Bivvel leit helft nau. Shpeel da VIDEO, no shvetzet veyyich dee questions:
-
In da video, vass fa sacha hott di Rafika gebaddaht es nett feah voahra?
-
Vi hott di Bivvel see kolfa even vann di shlechti sacha nett bessah vadda sinn?
Di hofning in di Bivvel veyyich da future kann uns helfa fa nett discouraged sei, avvah fa haebbi sei even vann miah problems henn. Layset Shpricha 17:22 un Römer 12:12, un no shvetzet veyyich dee questions:
-
Denksht du di hofning funn di Bivvel kann en diffans macha in dei layva nau? Favass daytsht so sawwa?
DAYL LEIT SAWWA: “Ma muss nett vissa vass haebna zayld in da future.”
-
Favass is’s importand fa sayna fa dich selvaht vass di Bivvel sawkt?
VASS MIAH GLAND HENN
Di Bivvel hott feel goodi promises fa da future. Dess gebt uns en hofning un’s macht unsah layva bessah nau.
Review
-
Favass braucha leit en hofning?
-
Vass sawkt di Bivvel veyyich da future?
-
Vi kann di hofning veyyich da future dich helfa nau?
MAY AUSFINNA
Lann vi en hofning dich helfa kann vann du challenges hosht.
“En Hofning—Vo Kansht Du’s Finna?” (Ufvekka!, April 22, 2004)
Lann vi di hofning fa da future selli helfa kann es reeli grank sinn.
“Kann di Bivvel Dich Helfa Deela Mitt en Shlimmi Granket?”(Article)
Vann du deah music video vatsht, denk vi’s veah fa dich un dei family fa layva enjoya in Paradise.
Lann vi di hofning fa da future ay ebbah kolfa hott sei layva bessah macha.
“Ich Shpiah Nimmi vi Ich Alles in di Veld Tshaynsha Muss” (Da Vatshtavvah, July 1, 2013)
