Vass Nemd’s Fa’n Happy Family Layva Havva?
Denksht du’s nemd . . .
-
leevi?
-
geld?
-
adda ebbes shunsht?
VASS DI BIVVEL SAWKT
Happy “sinn dee vo Gottes Vatt heahra un’s aw doon.”—Lukas 11:28, Di Heilich Shrift, Pennsylvania Deitsh un English.
VASS SELL MAYNA KANN FA DICH
Leevi finna es voah is.—Epheser 5:28, 29.
Recht respekt havva.—Epheser 5:33.
Immah nannah trosta.—Markus 10:6-9.
KANN MA REELI GLAWVA VASS DI BIVVEL SAWKT?
Yau, fa at least zvay reesins:
-
Gott is da vann es family layva kshteaht hott. Di Bivvel sawkt, Jehova Gott hott di eahshti mensha zammah gebrocht fa keiyaht sei. (1 Mosi 2:18-24) In anri vadda, miah henn families veil Jehova’s so gmacht hott. Favass is sell importand fa vissa?
Denk moll veyyich dess. Vann du amma goodah meal enjoya bisht un du vetsht vissa vass drinn is, veah daytsht frohwa? ’S dayt yusht sens macha fa da vann frohwa’s gmacht hott.
In da saym vayk, fa ausfinna vass’s nemd fa’n happy family layva havva is’s besht fa zu Jehova gukka, da vann es di eahsht family gmacht hott.
-
Gott gebt acht uf uns. Families doon goot fa sucha fa Jehova sei hilf es eah gebt deich sei vatt. Favass? “Fa eah gebt acht uf eich.” (1 Petrus 5:6, 7) Jehova vill vass’s besht is fa uns—un vass eah sawkt dutt immah ausshaffa!—Shpricha 3:5, 6; Jesoiya 48:17, 18.
EBBES FA DENKA DIVEYYA
Vi kansht du en goodah mann, fraw, adda goodi eldra sei?
Di Bivvel hott da ensah zu sellah question in EPHESER 5:1, 2 un KOLOSSER 3:18-21.
Du Mechsht aw Dess Gleicha
VEYYICH UNS
Favass Sett Ma di Bivvel Shtodya?
Di Bivvel gebt ensahs zu di grohsi questions in layva zu millions funn leit gans ivvah di veld. Vetsht du aw ayns funn selli sei?
VEYYICH UNS
Vetsht Du Shvetza Mitt Ayns Funn Jehova Sei Witnesses?
Shvetz veyyich di Bivvel, adda lann may veyyich Jehova Sei Witnesses.
