A Nicolas me a Céline a mlo chelebangel er a kuk ta er a omelsemai. Te kilengei er a assignment el mlara branch er a France el mo melukl el mora beches el ongdibel. Te kmo: “A uchelel e aki kmal mle excited engdi uriul e ngmlo meringel e le ki mlo miss er a resechelimam. Tiakid el taem e ngdirkak lebo er ngii a mesisiich el deleuill er kemam lobengterir a rudam el ngar er a beches el ongdibel er kemam.” a Ngii el sebechel mo meringel me ngmekera sebechel mo dmeu a rengum e bekerredechel er a beches el ongdibel er kau? Ngera sebechir a rebebil el meruul lolengeseu? E oeak a ngera el rolel e ngsebechem el melisiich er a rebebil er a beches el ongdibel er kau, e ngmai omelisiich er tir?

EUA EL OMELLACH EL SEBECHEL NGOSUKAU EL ADJUST

1. Moumera el ulsirs er a Jehovah. (Psa. 37:5) A Kazumi el redil er a Siabal er a le transfer er a bechil el mora ta er a basio e ngmillukl el mo diak el ngar er a ongdibel el lemla er ngii el 20 el rak. Ngmilekera ‘odersii er a [Jehovah]’? Ngkmo: “Ngmle betok el taem el kuuchais er a Jehovah er a dektek, sebekreng er ngak, me ngak el di mo ngak el tang. Bek el taem el kuuchais er ngii e ngmilskak a klisiich el kuluusbech er ngii.”

Ngmekera sebeched el smisichii a klaumerang er kid el mo ulsirs er a Jehovah? Ngdi ua dellomel el lousbech a ralm me a ungil el chutem me bo lsebechel mukeroul, me ngdirrek el kired lomekang er a klaumerang er kid me bo lsebechel mukeroul. A Nicolas el dulsaod er ngii er a uchei a miltik el kmo sel lolebedebek a kerebil a Abraham, Jesus, me a Paulus el tir a milengoit a betok me bo lsebechir el meruul er a soal a Jehovah, e ngsilsichii a klaumerang er ngii er a ulengesuil a Jehovah. Sel mblechoel  el mesuub er a Biblia e ngdiak di bo lengesukau el outekangel omelodech er a klengar er kau, ke dirrek el mo suub a rolel e ngsebechem el melisiich er a rebebil el ngar er a beches el ongdibel er kau.

2. Lak em compare. (Oli. 7:10) A Jules er a le move er a Benin el mora Merikel e ngmlo kirel omeksau er ngii er a siukang er a Merikel. Ngkmo: “Ak mle feel el kmo ngkirek el louchais er a chisel a klengar er ngak el mo rederta el chad el ek meet er tir.” Ngii el dimlak el sau er tia el blekeradel a uchul me ngmlo mengeroid er ngii er a rudam me a rudos. Engdi uriul er a bo lodengelterir e ngngildechii a uldesuel. Ngmelekoi el kmo: “Ak mla mo mtebengii el kmo a ngii di el basio el dekiei er ngii er a beluulechad e a rechad a di osisiu. Ngkuk di ngodech a longedecheduch me a loruul a tekoi. Ngkired el accept er a rechad.” Me lak em compare a blekeradel el mo er sel mle ongdibel er kau. Ngua lolekoi a Anne-Lise el ta er a pioneer el odos, “Ngdimlak kulukl losiik a tekoi el kchiloit, e ak bai millukl el mo mesuub a beches el tekoi.”

A remechuodel me ngdirrek el kirir el mo kerekikl me ngdiak bo le compare er a mle ongdibel er tir. A klekakerous er a rolel a doruul a tekoi a diak el belkul a kmo ngcheleuid. Ngolechotel a llomeserreng obo modengei a lmuut el betok er uchei er omomesterir a ngeso er a uldasu. (Oli. 3:​1, 7b) Ngbai lmuut lungil a dolisechakl loeak a ungil kerebai er kid er a bai dolisiich a uldesued.—2 Ko. 1:24.

3. Em involve er kau er a tekoi er a ongdibel. (Fil. 1:​27, BT) Omelukl ousbech er a klou el taem me a klisichel a bedengem me nguaisei engdi ngklou a ultutelel om di mereched el mo ngar er a miting er tia el beches el ongdibel er kau, el lsebechem e bong el in person. E le lsekum a rechedal a beches el ongdibel er kau a diak lesekau me a lechub e le blechoel el lomes er kau e ngmekera sebechir el ngosukau? A Lucinda el millukl ngii me a reteru el ngelekel el redil el mora klou el city er a South Africa a kmo: “Te mle advice er ngak el mo focus er a mo kmeed er tirke el ngar tia el beches el ongdibel er ngak, oureor lobengterir a rebebil el lomerk er a klumech, e onger er a miting. Aki dirrek el mle offer lousbech er a blimam el kirel a miting er a odingel.”

A “dodekdak a [klisiched]” el meruul a ureor er a ongdibel lobengterir a rudam me a rudos er a beches el ongdibel er kid a ungil rolel e kede melechel er a “kloumera ra evangkelio.” A Anne-Lise el dulsaod er ngii er a uchei a lullisiich er ngii a remechuodel el mo oldingel lobengterir a rokui el chedal a beches el ongdibel er ngii. Me ngngera dilubech? Ngkmo: “Tiakid a ungil rolel e kede mo feel el kmo kede chedal a ongdibel.” Ngdirrek el om volunteer el meruul a ureor el ua clean e maintain er a Blil a Ongdibel a mo ochotii el kmo kau a mla mo omes er a ongdibel el kmo ngongdibel er kau. Sel bom involve er kau er a betok el tekoi er a ongdibel e ke mereched el mo feel er a rudam me a rudos er kau el beot er tir obengkem e mo feel el part er a telungalek er kau er a klereng.

4. Momak a beches el klausechelei. (2 Ko. 6:​11-13, NW) Olecholt er a klemeriarreng er a  rebebil a kot lungil rolel e ke mak a klausechelei el lobengterir a rebebil. Me lengar ngii a enough el taem er a uchei me a uriul er a miting el mongedecheduch er a rebebil e mo ungil medengelterir. Molasem el mo medengei a ngklir. Sel bo modengei a ngklir a rechad em friendly e lebeot er kid a mengedecheduch er kau, e ngrulleterir a rebebil el mo sorir el mo medengelkau e ulterekokl el ko mo mak a ungil el klausechelei.

Lak obekikl a kmo te mo sorir kau me a lak e bai bechititerir tirka el beches el odam me a odos me bo lodengelii ngike el mera el kau. Mngai a klubelem er a Lucinda el ngii a kmo, “Ngmla mo er ngii a kmes el klausechelei er kemam me a rebebil e le ki millasem el invite er a rechad el mei er a blimam.”

“MKANGINGAI”

A rebebil a locha kmal mo meringel er tir a tmuu er a Blil a Ongdibel el mui er a rechad el diak lodengelterir. Me ngmekera sebeched el rullii el mo beot er tirke el melukl el mei er a ongdibel er kid? A apostol Paulus a kmo: “Mkangingai el ua ia Kristus el ngilikemiu.” (Rom 15:7) A remechuodel sel loukerebai er a Kristus e te rulleterir a rebeches el chedal ongdibel el mo feel el kmo te part er a ongdibel. (Momes er a baks el “ Mo Ngosukau Me Ngmo Ungil Omelukl.”) Me nguaisei a rokui el chedal ongdibel luldimukl er a rengalek me ngsebechir el ngosuterir a rebeches el chedal a ongdibel el mo feel el kmo te part er ongdibel.

A omtechakl er a rechad a uldimukl er a bo dekakingingai, engdi ngdirrek el belkul a kmo kede olengeseu er tir er aike el lousbech. El ua tiang, a ta el odos a milengoit er a taem el loba odos el dirk millukl el meliuekl er a beluu e osisecheklii el mo meduch lousbech a olidiuul er a buai. Omerellel a kmal rirtechii a rengul a odos e ngilsuir el mo ungil a rengul el ngar tia el beches el beluu el bocha lekiei er ngii.

TECHALL EL MUKEROUL

A chebud a lorael el mo klou e ngbetok el taem el lobkobk a budel a bedengel er a uchei er a bo lsebechel a osebekel el suebek. Ngdi osisiu sel molukl el mora beches el ongdibel ngkirem el lomkobk a sebekreng er a rengum e ngmo sebechem el suebek el ngar er a omesiungem el mora Jehovah.  A Nicolas me a Céline a kmo: “A omelukl a kmal ungil training. Kemam el mle kiram el omeksau er kemam er a rebeches el chad me a beches el basio a ngilsukemam el mekeroul a beches el blekeradel.” A Jean-Charles el dulsaod er ngii er a uchei a mesaod a klungiaol el bla lengai a telungalek er ngii: “Tia el omelodech a uchul me a rengelekam a mla mukeroul er tia el beches el ongdibel. Ngdi mle sesei el buil er uriul e a ngelekam el redil a mlo ou part er a miting e a ngelekam el sechal a mlo unbaptized publisher.”

Engdi ngkuk mekerang a lsekum a blekeradel a uchul me ngdiak el sebechem el melukl el uai a mo olengeseu er aike el basio lousbech a ngeso er a ruumerk er a klumech? Ngsebechem el rullii a ongdibel er kau el mo uai lebeches el ongdibel el molukl el mo er ngii loeak omoltaut a ngeso er a uldasu el dulsaod er tia el suobel. Multuil er a Jehovah e molemolem el mechesang er a tekoi er ongdibel el ua omerk er a klumech lobengterir a rebebil e omak a beches el klausechelei me a lechub e ke lmuut el smisiich a klausechelei er kau lobengterir a rebebil. Nglocha sebechem el losiik a rolel e ke olengeseu er a rebebil loeak omolengeseu er a rebeches me a lechub a remechebuul. Me a bltikerreng el olengchelir a remera el Kristiano a uchul me ngmo ngosukau el lmuut el mukeroul er a klereng. (Jn. 13:35) Ngkmal sebechel mo ulterekokl a rengum el kmo a “Dios a dmeu a rengul er choua isel tenget.”—Heb. 13:16.

Me alta ngngar ngii omelsemai me nguaisei engdi rebetok er a remla melukl a mla metik er a deurreng e meruul a betok er a beches el ongdibel er tir, me kau me ngdirrek el sebechem! A Anne-Lise a kmo: “Ngak el mlora kuk ta er a ongdibel a ngilsukak el mekengii a renguk.” A Kazumi a chelecha e ngulterekokl a rengul el kmo sel dolukl “e ngsebeched el experience er a ngelsuil a Jehovah el ngar er a rolel dirkak a ta el bo dolechesuar.” E a Jules? Ngkmo: “A klausechelei el bla kuak a ngosukak el mo feel el kmo ak mla metik er a basio er ngak. Ak kmal feel el part er a ongdibel er ngak me ngkmal mo meringel er ngak okmo ngmo kirek el melukl.”