Ngsebeched el kmal mo oberaod le ngdiak dodengei el kmo kede mo mekerang el kirel a sechelid el chuarm er a secherel a uldasu. Ngsebeched lochotii el kmo kede omekerreu er ngii loeak sel dolengeseu er ngii el outekangel. Ngmekera doruul er tiang?

“Bo . . . mereched el orrenges.”​—JAKOBUS 1:19.

A ta er a kot lungil rolel e ngsebechem el ngosuir a sechelim a orrenges sel lsoal el mengedecheduch. Lak bom feel el kmo ngkirem el melechel a bek el tekoi lolekoi. Mochotii er ngii el kmo korrenges e kmal betik a rengum er ngii. Molasem el mo medengei a belkul a tekingel e lak moukerrekeriil er ngii. Lak mobes el kmo nglocha mo dmu tekoi el diak el mean e a uriul e ngmo ouuchel er a rengul el kirel.​—Job 6:2, 3.

“Molisiich.”​—1 THESALONIKA 5:14.

A sechelim a locha suebek a rengul me a lechub e ng feel el kmo ngdiak a ultutelel. Sel molterekokl er a rengul el kmo ke kmal omekerreu er ngii e ngsebechem el mengelaod e melisiich er ngii, mo lmuut me a lak modengei el kmo ke mo dmu el kmo ngerang.

“A sechelid a di blechoel el oubltikerreng.”​—OSISECHAKL 17:17.

Molengeseu er ngii. Lak momdasu el kmo ke medengelii a rolel omolengeseu er ngii, bai molengit er ngii el kmo ngngera sebechem el rullii. A lsekum e ngmeringel er ngii louchais er kau, e ngsebechem  lolengit me mdak el meruul a tekoi. El ua tiang, ngsebechiu el dmak el merael. Me a lechub e ngsebechem el olengeseu er ngii el shopping, mengetmokl, me a lechub e ngkuk tang.​—Galatia 6:2.

“Bo leklou a [rengum].”​—1 THESALONIKA 5:14.

A sechelim a locha diak el bo leblechoel el kltmokl el mengedecheduch. Molterekokl er a rengul el kmo ngdmeu a rengum el orrenges er ngii sel bo le ready. Secherel a uchul me nglocha mo dmung me a lechub e ngremuul a tekoi el tomelii a rengum. Ngsebechel cancel a plans er kemiu me a lechub e ngmo checherd a rengul. Moba kllourreng el omsa ngeso lousbech.​—Osisechakl 18:24.

“A kuterekeklii el kmo, ak sechelil el sebechel lultuil er ngii. Alta ngdiak el sebechek el sumechokl a mondai er ngii, engdi ak melasem lorrenges er ngii sel longedecheduch. A lebebil e ngdi ousbech er kid lorrenges er ngii e ngmo ungil a rengul.”​—Farrah, a el sechelil a smecher er a depression me a secherel a uldasu el ngar ngii a lerellii er a omengelel.

“A ta er a sechelik a kot lungil a blekerdelel e kmal melisiich. Ngmle invite er ngak el mo omengur er a blil el mengang a ungil kall. Ngkmal lulechotii a bltikerreng e rirellii el mo beot er ngak ouchais aike el ngar er a renguk. Tia kmal millisiich er ngak!”​—Ha-eun, el smecher er a depression.

“A kllourreng a kmal klou a ultutelel. A bechik sel lerellii a tekoi el diak el soak, e ngdi ngak lomeklatk er ngak el kmo tia olechotel a secherel, ngdiak lemera el ngii. Tia ngosukak me ngdiak lebo lekesib a renguk e mo blechoel el melatk er ngii.”​—Jacob, el bechil a smecher er a depression.

“A bechik a kmal olengeseu e mengelaod er ngak. Sel kmeeleb er a sebekreng, e ngdiak lorrimel er ngak el mo meruul er a tekoi el diak el soak. Tia belkul a kmo a lebebil e ngmo diak loruul er a tekoi el kmal soal. Ak kmal mengreos er a blekeruraurreng er ngii, me ngii el diak lolatk er a di ngii.”​—Enrico, el smecher el di ngerang ngmo suebek a rengul.