Te Rua Techang a Meruul a Soal a Jehovah er Chelechang?
A Resioning er a Jehovah a debetik er tir er a beluulechad el rokir el kakerous a siukang er tir. E ngerang a oldak er tir?
Ngerang a Soal a Dios?
A Dios a soal a moktek er ngii a loberk er a beluulechad el rokir. Ngera tia el soal a Dios, e te rua techang er chelecha el sils a olisechakl er a rebebil el kirel?
LESSON 1
Te Ua Ngera el Chad a Resioning er a Jehovah?
Te tela el Sioning er a Jehovah omodengelterir? Ngkmal ua ngera klemedengei er kemiu el kiram?
LESSON 2
Ngera Uchul Me Aki Okedongall el Resioning er a Jehovah?
Momtab a edei el uchul me aki ngiluu tia el ngakl.
LESSON 3
Ngmilekerang e Liluut el Obeketakl a Klemerang er a Biblia?
Ngmekerang e mo ulterekokl a rengud el kmo kede oba melemalt el klemedengei el kirel aike el mera el lolisechakl a Biblia?
LESSON 4
Ngera Uchul Me Aki Mirruul er a Beches el Oidel a Biblia?
Ngera me tia el oidel a Tekingel a Dios a kmal ileakl?
LESSON 5
Ngera Ke Mo Ngmai er Aike el Miting er Kemam?
Aki mo dmak el mesuub a Bades e kasisiich er a delongelam. Aki kmal outkeu er kau el mei!
LESSON 6
Ngera el Klungiaol Aki Bo Mngai Sel Ki Mobengterir a Rekldemam el Kristiano?
A Tekingel a Dios a melisiich er a klodam er kid el Kristiano. Msubii a rolel e ngsebechem el ngmai a klungiolem er tiang.
LESSON 7
Ngua Ngerang a Oketmeklel a Miting er Kemam?
Ngmla ta el molatk el kmo ngera mo er ngii er aika el miting er kemam? Nglocha mo mechas a rengum er tia el kot el ungil rolel a osisechakl el okiu a Biblia.
LESSON 8
Ngera Uchul Me Ngkiram el Ungil el Oubail el Mo er a Miting?
A rolel a doubail ngklou a ultutelel er a osengel a Dios? Bo modengei aike el omellach er a Biblia el sebechel lomekrael er a omelilt er kid el kirel a biled me a rolel a dongetmokl er kid.
LESSON 9
Kede Mekerang e Mo Ungil el Kutmeklid el Kirel a Miting?
A dongetmokl er kid er a uchei er aike el miting er kid e ngmo ngosukid el ngmai a klou el klungioled er ngii.
LESSON 10
Ngerang a Omengull el Telungalek?
Mesa rolel e tia el tekoi a sebechel el ngosukau el mo kmeed er a Dios e melisiich er a deleuill er a telungalek er kau.
LESSON 11
Ngera Uchul Me Aki Mo er Aike el Meklou el Ongdibel?
A bek el rak, e aki mo dmak el kirel a edei el ileakl el ongdibel. Ke mekerang e ngmai a klungiolem er aika el ongdibel?
LESSON 12
Ngua Ngerang a Oketmeklel a Ureram er a Berkel a Klumech?
Aki oltirakl er a rolel a lulemerk er a klumech a Jesus er a lengar tia el chutem. Me ngera bebil er a rolel a domerk er a klumech?
LESSON 13
Ngerang a Pioneer?
A rebebil el Sioning a mengoit a 30, 50, me a lechub e ngkuk betok el sikang er a bek el buil el omerk er a klumech. Ngera melisiich er tir?
LESSON 14
Ngera el Skuul a Ngar er Ngii el Kirir a Re Pioneer?
Ngera el ileakl el osisechakl a ngar er ngii el kirir tirke el omerk er a klumech er a Renged el mui el taem?
LESSON 15
Te Mekerang a Remechuodel a Losiou er a Ongdibel?
A remechuodel a ngar er ngii a mesisiich el deleuill er tir me a Jehovah e oungerachel a tekoi er a ongdibel. Ngera el ngeso a lomesterir a rechedal a ongdibel er tir?
LESSON 16
Ngerang a Ngerechelir a Remesiou er a Ongdibel?
A remesiou er a ongdibel a olengeseu el meruul er a ongdibel el mo ungil merael a tekoi er a chelsel. Mosuub me bo modengelii a rolel e a urerir a sebechel el mo uchul a klungiolir a rokui el mei er a ongdibel.
LESSON 17
Te Mekerang a Rudam el Oldingel a Ongdibel e Olengeseu er Kemam?
Ngera uchul me a rudam a oldingel a ongdibel? Ke mekerang e ngmai a klungiolir er a odngelir?
LESSON 18
Ngmekerang Aki Mngesuterir a Rudam er Kemam el Ngar er a Chelebuul?
Sel lebo er ngii a klou el telemellel a beluu, e aki di mereched el kutmokl a ngeso el kirel aike el ousbech a rudam er kemam er a bedengir me a ongelaod el okiu a Tekingel a Dios. Ngokiu a ngera el rolel e aki olengeseu?
LESSON 19
Ngtechang a Blak a Rengul e Mellomes a Rengul el Mesiou?
A Jesus a tilbir el kmo ngmo melilt er a mesiou el mo mengetmokl a kall er a klereng el mechii a blsechel. Tia ngmekera e meketmokl?
LESSON 20
Ngmekerang a Loureor a Chelechad er a Ruungerachel er Chelecha el Sils?
Ngar er a taem er a rekot el Kristiano, e a kekerei el cheldebechel er a rechad me a rechapostol a milsiou el chelechad er a ruungerachel er a chelsel a ongdibel er a Rekristiano. E kuk ua ngerang er chelecha el taem?
LESSON 21
Ngerang a Bethel?
A Bethel a ileakl e kmal klou a ultutelel el basio. Mosuub el mo medengei el kmo te rua techang a mesiou el ngar er aika el basio.
LESSON 22
Ngerang a Meketmokl er a Obis er a Resioning er a Jehovah?
Aki mengemedaol er a resorir el mei er a tour er a ngii di el ta er aika el obis er a Resioning er a Jehovah. Aki mengemedaol er kemiu el mei!
LESSON 23
Ngua Ngerang a Teletelel a Lemeluches e Lemoiuid a Babilengam?
Aki oltobed a babier el ngar er a kuk betok er a 750 el omelekoi. Ngera uchul me aki oba kmal klou el blakerreng el meruul er tia el ureor?
LESSON 24
Aki Ngmai a Udoud er Ker el Meruul er a Ureram el Meliuekl er a Beluulechad el Rokir?
Ngerang a rullii a cheldebecheled el mo ileakl el ngodech er a ngii di el klechelid sel denguu er a tekoi er a udoud?
LESSON 25
Ngmekerang Aki Momekedechor a Blil a Ongdibel, e Ngera Uchul?
Ngera uchul me aike el blil a omengull er kemam a okedongall el Blil a Ongdibel? Mosuub me bo modengei el kmo ngmekerang aika el beot el okedecherul a blai e sebechel el olengeseu er a ongdibel er kemam.
LESSON 26
Ngmekerang Aki Molengeseu el Mengetmokl er a Blil a Ongdibel er Kemam?
A ungil kltmokl el Blil a Ongdibel a uchul a odanges el mo er a Dios er kid. Ngera el tekoi a mla meketmokl me bo el sebechel a Blil a Ongdibel er a beluad el ungil kltmokl?
LESSON 27
Ngmekerang a Library er a Blil a Ongdibel e Mo Uchul a Klungioled?
Ngsoam el meruul a research el mo kilungii a klemedengei er kau er a Biblia? A leuaisei, e bo er a library er a Blil a Ongdibel!
LESSON 28
Ngerang a ngar er a chelsel a website er kemam?
Ngsebechem el suub a lmuut el betok el kiram me a klaumerang er kemam e dirrek el metik a nger er a kerim el ngar er a Biblia.
Kau Ke Mo Meruul a Soal a Jehovah?
A Jehovah el Dios a kmal betik a rengul er kau. Ngmekerang a omochotii el kmo ngsoam el odeuir a rengul er a klengar er kau er a bek el sils?
