Ngmera el Sebechir a Rulekoad el Lmuut el Me Ngar?
Ke mo onger el kmo . . .
-
chochoi?
-
ngdiak?
-
nglocha sebechir?
AIKE EL LOLEKOI A BIBLIA
“Ngmo er ngii a okiis.”—Rellir 24:15, New World Translation.
A BELKUL TIA EL TEKOI EL KIREM
Ongelaod sel lemad a rebetik er a rengum.—2 Korinth 1:3, 4.
Ilmokl er a dakt el kirel a kodall.—Hebru 2:15.
A mera el omelatk el lmuut el mo meseterir a remlad el betik er a rengum.—Johanes 5:28, 29.
NGMERA EL SEBECHED EL OUMERANG A LOLEKOI A BIBLIA?
Chochoi, kesengil e ngar er ngii a edei el uchul:
-
A Dios a Ngike el Uchul a klengar. A Biblia a omekedong er a Jehovah el Dios el kmo ng “uchelel a rokui el klengar.” (Psalm 36:9; Rellir 17:24, 25) Ngike el ulemeob a rokui el tekoi a ulterekokl el sebechel el okisii a chad er a kodall.
-
A irechar e a Dios a ullekiis er a rechad er a kodall. A Biblia a ouchais el kirir a reteai el chad el mlad e liluut el me chad. A rebebil a mle ulekoad el di tedeb el taem, engdi a ta er tir a mla er a debull el eua el klebesei!—Johanes 11:39-44.
-
A Dios a soal el lmuut el mo meruul er tiang. A Jehovah a chetil a kodall; ngomes er ngii el kmo ngcherrouel. (1 Korinth 15:26) Ngkmal soal el mo mesisiich er a cherrouel, e rullii a kodall el mo diak a klisichel el oeak a okiis. A Jehovah a kmal semeriar el mo olluut er a klengar el mo er tirke el lolatk er tir, e omes er tir el lmuut el mo kiei er tia el chutem.—Job 14:14, 15.
TEKOI EL SEBECHEM EL MELATK
Ngera uchul me kede mo chuodel e mad?
A Biblia a onger er tia el ker el ngar er a GENESIS 3:17-19 me a ROM 5:12.
Nglocha Dirrek el Mo Soam
CHELDEBECHELAM
Ngera Me Ngkirem el Mesuub er a Biblia?—Cherrengelel
A Biblia a olengeseu er a rebetok el miliol el chad el meliuekl er a beluulechad el mo medengei a nger el kirel a meklou a ultutelel el ker er a klengar. Kau ngsoam el mo ta er tir?
OSISECHAKL ER A BIBLIA
Molasem er a Rolel Aki Mosuub er a Biblia Lobengterir a Rechad
Mosuub er a Biblia lobengkel a chad el di tada.
