Ngua Ngera Osengem el Kirel a Ngar Medad el Klebesei?
A blekeradel er a beluulechad . . .
-
ngdi melemolem el osisiu?
-
ngdi merael el mo mekngit?
-
ngdi merael el mo ungil?
AIKE EL LOLEKOI A BIBLIA
A Dios a . . . mo smuld a rokui el chiuosech er a mederir. Ng dikea lluut el mor ngii a kodall, e mo diak a klengiterreng, ma langel, ma ringel. A di mla tekoi a mla mo diak.”—Ocholt 21:3, 4.
A BELKUL TIA EL TEKOI EL KIREM
Ureor el ngar er ngii a belkul e uchul a deurreng.—Isaia 65:21-23.
Ngmo diak a secher me a ringel.—Isaia 25:8; 33:24.
Diak a ulebengelel el klengar el obengkel a telungalek er kid me a resechelid el ngar er a deurreng.—Psalm 37:11, 29.
NGMERA EL SEBECHED EL OUMERANG A LOLEKOI A BIBLIA?
Chochoi, kesengil e ngar er ngii a eru el uchul:
-
A Dios a sebechel el oltaut er a telbilel. Ngar er a Biblia, e ngdi ta el Jehovah el Dios a lomekedong er ngii el kmo ng “Olab a Bek el Klisiich,” e le ngdiak a telkelel a klisichel. (Ocholt 15:3) Me ngkmal sebechel el mo oltaut er a telbilel el mo rullii tia el beluulechad el mo ungil. E le ngua lolekoi a Biblia el kmo a “Dios a di sebechel a rokui el tekoi.”—Mateus 19:26.
-
A Dios a soal el mo oltaut er a telbilel. El uai tiang, a Jehovah a soal el mo olekiis er tirke el chad el mla mad.—Job 14:14, 15.
A Biblia a dirrek el ochotii el kmo a Ngelekel a Dios, el Jesus, a ulemekungil er a resmecher. E ngera uchul? E le ngmle soal el meruul el uaisei. (Markus 1:40, 41) A Jesus a mle cherrungel el olecholt a blekerdelel a Demal el soal el olengeseu er tirke el ousbech a ngeso.—Johanes 14:9.
Me ngsebeched el oumera el kmo a Jehovah me a Jesus a sorir el olengeseu er kid el mo dmeu a rengud er a ngar medad el klebesei!—Psalm 72:12-14; 145:16; 2 Petrus 3:9.
TEKOI EL SEBECHEM EL MELATK
Ngmekerang a Dios e rullii tia el beluulechad el mo ungil?
A Biblia a onger er tia el ker el ngar er a MATEUS 6:9, 10 me a DANIEL 2:44.
Nglocha Dirrek el Mo Soam
A ONGKERONGEL
A Klemerang el Kirel a Ngar Medad el Taem
Molisiich er a omeltkem er aike el lolekoi a Dios el kirel a tekoi el mo duubech er tia el chutem er a ngar medad me tirke el chad el mo kiei er ngii.
ESSENTIAL BIBLE TEACHINGS
Ngerang a Rengedel a Dios?
Sel taem er a omesiungel a Jesus er tia el chutem, e ngdi mle blechoel lolisechakl el kirel a Rengedel a Dios. Ngar er a chelsel aika el mereko el betok el rak, e a rultirakl er ngii a meluluuch me lemei ngii el Rengedel a Dios.
A ONGKERONGEL
Ngera Ngmo Mengetmokl a Rengedel a Dios?
A Jesus a mle medengei el kmo a Rengedel a Dios a di ta el kabelment el sebechel sumechokl a mondai er tia el chutem. Ngera bla longetmokl a Renged el melisiich er a klaumerang er kid?
CHELDEBECHELAM
Molengit er a Chad el Mo Oldingel er Kau
Mosaod a ker er a Biblia, me a lechub e mosuub a lmuut el betok el kirir a Resioning er a Jehovah.
