A Dios a . . . mo smuld a rokui el chiuosech er a mederir. Ng dikea lluut el mor ngii a kodall, e mo diak a klengiterreng, ma langel, ma ringel.”​—Ocholt 21:3, 4.

Mo ulterekokl a rengud el kmo a Dios a diak el uchul a mondai er kid.​—Jakobus 1:13.

Ngmo mechelaod a rengud e le kede medengei el kmo a Dios a kmal ungil el medengei sel dechuarm a ringel.​—Sekaria 2:8.

Omelatk el kmo a rokui el ringel a mo diak.​—Psalm 37:9-11.

Chochoi, kesengil e ngar er ngii a eru el uchul:

• A Dios a ouketui a ringel me a chelebirukel. Ka molatk el kmo ngmle uangera uldesuel a Jehovah el Dios er sera lemodechelakl a rechedal er a irechar. A Biblia a melekoi el kmo ngkmal mlo mekngit a rengul e le te mla er ngii tirke el meruul a mekngit el “ulecheracheb el odechelakl el mor tir.”​—Mengeteklel 2:18.

  A Dios a kmal chetil tirke el meruul a mekngit el mo er a rechad. El uai tiang, a Biblia a melekoi el kmo ngkmal chetil aike el “chim el omekoad er a re diak a telemellir el chad.”​—Osisechakl 6:16, 17.

• A Dios a omekerreu er a derta er kid. A rechad a diak di el tir a “medengei a kngterir e mo mekngit a rengrir” e le Jehovah me ngdirrek el medengei.​—2 Kronika 6:29, 30.

  Ngokiu a Rengedel, e a Jehovah a di kmedung e ngmo torob a ringel el lechelebangel a rederta el chad. (Mateus 6:9, 10) Engdi chelechang e ngmengelaod er tirke el blak a rengrir el osiik er ngii el mo lmuut er seikid el taem.​—Rellir 17:27; 2 Korinth 1:3, 4.