“Mira e Tera Bunita” ta un atlas di Beibel masha detayá ku bo por usa pa saka mas probecho di bo estudio di Beibel. Beibel ta referí na masha hopi lugá, stat i pais. Usando e atlas akí, bo lesamentu i estudio di Beibel ta bira mas bibu. “Mira e Tera Bunita” por yuda bo visualisá i lokalisá e lugánan kaminda e relatonan di Beibel a sosodé. Ademas, e por yuda bo komprondé ki efekto geografia di algun lugá tabatin riba sierto suseso den Beibel.

“Mira e Tera Bunita” tin vários mapa i grafik kolorido di diferente área ku Beibel ta papia di dje. E atlas di Beibel akí tin tambe diagram, plachi produsí pa kòmpiuter i hopi otro kos mas ku lo yuda hasi bo estudio personal mas agradabel.

E atlas di Beibel akí ta yuda bo

• komprondé e biahenan di Abraham, Isak i Yakòb

• mira e ruta di e israelitanan for di nan salida for di Egipto te na Tera Primintí

• haña un idea unda Israel tabata keda i unda e nashonnan enemigu tabata keda

• mira e lugánan ku Hesus a pasa durante su sirbishi riba tera

• komprondé kon grandi e teritorio di e imperionan menshoná den Beibel tabata, entre otro, di Babilonia, Gresia i Roma

Bo por konsultá e atlas di Beibel akí online grátis na BIBLIOTEKA ONLINE Watchtower.