Programa di Lesamentu di Beibel
Beibel ta duna nos e mihó konseho ku por tin. Pa nos tin éksito den bida, nos mester lesa Beibel regularmente, meditá riba loke nos ta lesa i pone na práktika loke nos ta siña. (Hosue 1:8; Salmo 1:1-3) Ademas, nos por siña konosé Dios i su Yu, anto e konosementu ei por hiba na salbashon.—Huan 17:3.
Den ki órden bo tin ku lesa e bukinan di Beibel? Bo tin vários opshon. E programa di lesamentu di Beibel akí por yuda bo lesa e bukinan di Beibel den e sekuensia ku nan ta aparesé den Beibel òf a base di tópiko. Por ehèmpel, bo por lesa sierto porshon pa haña un bista históriko di e manera ku Dios a trata ku e israelitanan. Òf, bo por lesa otro porshon i siña kon e kongregashon kristian den promé siglo a desaroyá. Si bo lesa algun kapítulo kada dia lo bo por lesa henter Beibel den un aña.
Sea ku bo ta buska un programa pa yuda bo lesa Beibel tur dia, un programa pa kaba Beibel den un aña òf simplemente bo ke kuminsá lesa Beibel, e programa akí por yuda bo. Download e vershon imprimí di e Programa di Lesamentu di Beibel akí i kuminsá awe.
Otro Artíkulo Interesante
E TOREN DI VIGILANSIA
Lesamentu di Beibel: Kon Mi Ta Kuminsá?
Tin sinku sugerensia ku lo hasi bo lesamentu di Beibel mas fásil i plasentero.
PREGUNTA KU BEIBEL TA KONTESTÁ
Kiko Bo Tin Mester pa Komprondé Beibel?
Ta posibel pa bo komprondé e mensahe di Dios den e Skritura Santu.
LOKE HÓBEN SA PUNTRA
Kon Beibel Por Yuda Mi?—Parti 1: Siña Konosé Bo Beibel
Si bo topa un kaha grandi di tesoro, lo bo no tin gana di sa kiko tin aden? Beibel ta un kaha di tesoro asina. E tin hoya den dje.
