Dia 22 di februari 2023, Ruman Aleksandr Shcherbina a sali for di un campo di trabou forsa na e stad Rostov-on-Don. Ruman Aleksandr tabata bou di aresto preventivo; e tabata cera 79 dia. Ademas, el a pasa 609 dia den e campo di trabou forsa. Na tur, e tabata cera pa casi 2 aña.

Poco prome cu e caso a termina, Ruman Aleksandr a menciona con e ehempel di Mardokeo a anim’e. Ruman Aleksandr a bisa: “Haman tabata un enemigo peligroso di Mardokeo. Pero Mardokeo no tabatin miedo di Haman. Ni maske kico pasa, e cos di mas importante pa Mardokeo tabata pa e keda fiel na Jehova. Ora mi a medita riba e ehempel di Mardokeo, esey a yuda mi sigui mustra curashi.”

Nos ta agradecido pa e bunita ehempel cu Ruman Aleksandr a pone. Nos ta masha contento cu e por ta hunto atrobe cu su famia y su amigonan. Ademas, nos ta contento cu Ruman Aleksandr por sigui “para firme den fe” y disfruta di Jehova su bendicion.—1 Corintionan 16:13.