Si, pasobra Bijbel, cu ta un buki di sabiduria di hopi tempo pasa, ta duna contesta pa pregunta importante di bida y ta duna bo un proposito den bida. Laga nos considera algun di e preguntanan cu Bijbel ta contesta.

1.   Ta existi un Creador? Bijbel ta bisa cu Dios “a crea tur cos.” (Revelacion 4:11) Como nos Creador, Dios sa kico nos tin mester pa nos por disfruta di bida y sinti nos feliz.

2.   Dios ta interesa den mi? En bes di pint’e como un Dios indiferente, Bijbel ta bisa: “E no ta masha leu for di cada un di nos.” (Echonan 17:27) E ta interesa den loke ta pasa cu bo y e kier yuda bo pa tur cos bay bon cu bo den bida.—Isaias 48:17, 18; 1 Pedro 5:7.

3.   Si mi siña conoce Dios, lo mi sinti mi mas mihor? Dios a crea nos cu un “necesidad spiritual”, esta un deseo profundo pa haya sa ki proposito bida tin. (Mateo 5:3) E necesidad spiritual ey ta encera tambe e deseo cu nos tin pa siña conoce nos Creador y bira amigo di dje. Dios lo keda contento cu bo esfuersonan pa siña conoc’e, pasobra Bijbel ta bisa: “Hala cerca Dios, y lo e hala cerca boso.”—Santiago 4:8.

 Miyones di hende a realisa cu ora nan tin un bon relacion cu Dios, nan ta hiba un mihor bida y ta sinti nan mas feliz. Esey no ta nifica si cu bo bida lo ta liber di problema. Pero Dios su conseho sabi cu bo ta haya den Bijbel por yuda bo pa

•   tin un bida di famia mas feliz;

•   biba na paz cu otro hende;

•   trata cu varios problema, manera depresion, stress pa motibo di problema financiero y maleza cronico.

 Hopi religion cu ta uza Bijbel no ta echt sigui su siñansanan. Pero e religion berdadero si ta pega na loke Bijbel ta bisa y por yuda bo siña conoce Dios.