Ginmapo so modernon panaon ya organisasyon nen Jehova diad bandad sampot na koma 19 siglo. Diad saman, sakey a melag a grupo na saray estudyante na Biblia a manaayam diad asingger ed Pittsburgh, Pennsylvania, diad United States so ginmapon nanaral a sistematiko ed Biblia. Pinankompara da iray doktrinan ibabangat na saray simbaan ed no anton talagay ibabangat na Biblia. Insan da inggapon i-publish so nanaaralan da ed saray libro, dyaryo, tan say dyurnal ya natan et tatawagen lan Say Panag-bantayan​—Mangipapalapag na Panarian nen Jehova.

 Kaibad sayan grupo ya impapuson nanaral na Biblia si Charles Taze Russell. Tua, si Russell so angidaulo ed panagbangat na Biblia diad saman a panaon tan sikatoy sankaunaan ya editor na Say Panag-bantayan, balet ta sikatoy aliwan founder na sakey a balon relihyon. Say gagala nen Russell tan arum ya Estudyante na Biblia, ya tawag ed sikara nensaman, et pian ipaamta iray bangat nen Jesu-Kristo tan aligen so ginawa na saray Kristiano nensaman. Lapud si Jesus so Founder na Kristianismo, sikato so founder na organisasyon mi.​—Colosas 1:18-20.