Nen wadiad dalin si Jesus, impanengneng ton inaro to ray totoo tan inter to ni ingen so bilay to parad sikara. (Mateo 20:28; Juan 15:13) Asingger la ya ipanengneng to lamet so panangaro to ed saray totoo no usaren to lay autoridad to bilang Ari na Panarian na Dios pian ‘patundaen to ray guerra diad interon dalin.’—Salmo 46:9.

 Imanoen so ibabaga na Biblia no antoy gawaen nen Jesus:

•   “Ta iliktar to so mairap-bilay ya onkekerew na tulong, tan samay pakaskasi tan siopaman ya anggapoy ontutulong. Kasian to so pobri tan say mairap-bilay, tan isalba toy bilay na saray maniirap. Iliktar to ra ed panagpairap tan karuksaan, tan say dala ra et magmaliw a mabli ed pakanengneng to.”—Salmo 72:12-14.

 Panon tayon nipanengneng ya talagan misalsalamat tayo ed amin ya ginawa nen Jesus parad sikatayo tan saray gawaen to ni labat? Diad Lucas 22:19 imbaga nen Jesus ed saray papatumbok to ya nodnonoten day impatey to. Kanian kada taon, diad anibersaryo na impatey to, mantitipon iray Tasi nen Jehova. Labay mi kayon nakaiba ed Memoryal na impatey nen Jesus no Simba, Marso 24, 2024.

Mananap na Memoryal