ONLIING! No. 2 2020 | Akin et Maniirap Itayo?
Amin tayo et apektado na saray trahedya—nayarin sakit, aksidente, kalamidad, odino krimen.
Manaanap na ebat iray totoo.
Ibabaga na arum ya kapalaran tayoy manirap odino iisipen dan anggapoy kontrol tayo ed satan.
Wala ra met so manisia ed karma. Ibabaga ran maniirap tayo lapud walay ginawa tayon aliwa ed apalabas odino diad inmunan bilay tayo.
Lapud saray trahedya, dakel so nitetepet na saray totoo.
No Antoy Papanisiaan na Arum
Ikompara iray papanisiaan na nanduruman relihyon nipaakar ed paniirap.
1 Kasin say Dios so Natetel ed Paniirap Tayo?
Apalikdo iray totoo ed saray tila ya bangat nipaakar ed Dios. Antoy katuaan?
2 Kasin Sikatayo so Natetel ed Paniirap Tayo?
No say ebat et on, sarag tayo sirin ya kontrolen so paniirap tayo.
3 Akin ya Maniirap Iray Maong ya Totoo?
Tulongan itayo na Biblia ya naamtaan so ebat.
4 Talaga Kasin Labay na Dios ya Manirap Tayo?
Kasin say Dios ya nanggawa ed marakdakep iran bengatla ed mundo et labay ton manirap tayo? No andi, akin balet et maniirap tayo?
5 Naandi ni Kasi Paniirap Tayo?
Ibabagad sikatayon mismo na Biblia no panon ya ekalen na Dios so paniirap na too.
Walay Makatulong ed Sika
Anggano singa anggapoy solusyon na saray problema tayo, walay napantiwalaan a giya ya makatulong.
