WALA KASI NANDESINYO?
Say Payak na Kompapey
SARAY payak na kompapey et aliwan matibay kanian no nakargaan na anggan melmelanting ya dabok odino tedter na linaew, nairapan lan ontikyab. Anggaman ontan, say payak na kompapey et naynay a malinis tan amaga. Antoy sekreto to?
Say payak na kompapey et napno na angkekelag a siksik ya nantatapewan
Nonot mo pa: Diad Ohio State University, inaral na saray researcher so kompapey ya Giant Blue Morpho (Morpho didius) tan adiskobre dan anggano singa makinkinis so payak na satan, say tapew to et napno na angkekelag a siksik ya nantatapewan a singa say tiles ya atep. Sakey ni, diad tapew na saratan ya siksik et wala ni ray mas angkekelag ya baetan kanian mainomay ya napelag so tedter na danum. Labay itan ya aligen na saray engineer pian makapanggawa ray high-tech ya coating parad saray kagawaan diad industriya tan medisina ya agnapeketay dutak tan agnabasa.
Say payak na kompapey et sakey lamet ya alimbawa na pangaalig na saray scientist ed desinyo na mabilay iran bengatla. “Makapakelaw iray desinyo na saray ayep tan tanaman, manlapud sankamelagan ya anggad sankabalegan. Saratan et abayag lan aaligen na totoo,” so imbaga na sakey a researcher ya si Bharat Bhushan.
Antoy nibagam? Kasin basta labat niwala so payak na kompapey lapud ebolusyon? O walay nandesinyod satan?
Ompan Nagustoan Mo Met
ONLIING!
Say Kurti na Saray Shell ed Dayat
Lapud kurti tan inkagawa na saray shell ed dayat et naproprotektaan so laman ya walad loob.
ONLIING!
Say Masileng ya Kolor-Asul na Pollia Berry
Sayan berry et anggapoy kolor ya asul ed cell walls na ubak to, pero saya so walaan na sankasilengan ya asul ed saray tanaman. Akin et masileng ya asul so kolor to?
ONLIING!
Say Bago na Sea Otter
Saray pigaran mammal ed danum et makakapal so taba ed katat da pian ag-ira naketel. Duma balet so sea otter.
ONLIING!
Say Teknik na Bubuyog no Ondapo
Antoy teknik da no ondadapo ya makatulong diad panggawa na makatikyab iran robot?
ONLIING!
Say Panlaban ed Petang na Silver ya Gilata ed Sahara
Sayan insekto et kabkabat ya talagan matibay ed petang. Panon ya nasasarag na silver ya gilata so ampetapetang ya temperatura?
ONLIING!
Say Buek na Tahong ed Dayat
Saray tahong et ompepeket panamegley na saray buek da. No aralen no panon iran ompepeket, nayarin makadiskobre na balo tan mas malet ya paraan na pangikabit na saray kagawaan diad bilding, odino pangisuldong na ulat ed saray pukel.
