Dä mi pädi ʼbe̱pu̱ njaʼu̱ ma mpe̱tihe. Hyoni hapu̱ dä za̱ gi mpe̱ti hingä yatho ge nubu̱ gi ʼbu̱i.

Ya testigo ä Jeoba di mpe̱tihe pa ga thanndehe Ojä nyondi ʼna semana (Hebreos 10:24, 25). Nuya ya mpe̱ti di nxa̱hme ra Biblia ʼne di pähme ʼbe̱pu̱ da za̱ ga o̱the bu̱ ma mʼbu̱ihe nuä di nxa̱hme. Ga̱ʼtho ya jäʼi da za̱ da mba.

ʼBe̱ ga̱ʼtho ma mpe̱tihe ja ya xe̱ki ge nʼto̱ʼte ya nʼta̱nni ʼne nuʼu̱ pa da za̱ da thädi. Ga̱ʼtho ya mpe̱ti fu̱di ʼne juadi ko ʼna ra thühü ʼne ʼna ra orasio.

Hingä mbo̱ʼä gi testigo ä Jeoba pa gi mba ya mpe̱ti. Ho̱nʼtä toʼo da za̱ da mba. Te gi jüʼti ge gi ku̱ʼti.