Nuje di jahe mä ꞌme̱fihe ko nuꞌu̱ yä donäsio di uñhe gatꞌho yä testigo rä Jeoba. Nuya yä donäsio dä za gä u̱tꞌihe ha nuꞌu̱ yä zi kaha ja ha nuꞌu̱ mä Ngu de gä Mhuntsꞌihe. Pe ꞌnehe dä za gä unihe yä donäsio po mäde de Internet, ja ngu udi ha rä página jw.org habu̱ enä: «Uni nꞌa rä donäsio pa yä testigo rä Jeoba». Kada nꞌaa di desidi mu̱ dä uni nꞌa rä donäsio pa näꞌä mä mäkä ꞌmefihe di tꞌo̱tꞌe po gatꞌho rä xiꞌmhai o pa dä mfaxte ko nuꞌu̱ yä gasto ja ha rä mhuntsꞌi.

 Nixi nꞌa rä testigo rä Jeoba hingi ꞌmu̱i obligado dä uni nꞌa rä cantida rä bojä tatꞌä semänä o tatꞌä zänä. Nuje hindi unihe nꞌa rä diezmo (2 Corintios 9:7). Ha nuꞌu̱ yä mhuntsꞌi di pe̱ꞌtsihe hingi tꞌadi yä bojä. Yä testigo rä Jeoba hingi adi yä bojä ora toꞌo ma dä nxixtehe, nixi ora toꞌo di nthäti, nixi po nuꞌu̱ yä servicio uni. Nixi di o̱tꞌehe yä ngo kontal gä muntsꞌihe rä bojä, nixi di pahe yä loteria, yä rifa, o märꞌa yä kosa. Nuje hinto di apäbihe rä bojä, nixi di mäñhe toꞌo nuꞌu mänꞌa uni ndunthi rä bojä (Mateo 6:2-4). Tanto ha näꞌä rä página di pe̱ꞌtsihe ha Internet, ꞌne ha nuꞌu̱ yä he̱ꞌmi di usahe pa di udihe de rä Noya Äjuä, hingi ñꞌoui yä anunsio nixi di ofresehe märꞌa yä producto pa gä tähähe yä bojä.

 Tatꞌä zänä, ha kada nꞌa de nuꞌu̱ yä mhuntsꞌi pe̱ꞌtsi yä testigo rä Jeoba ju̱ki rä ue̱nda pa dä fädi hängu tsu̱di nuꞌu̱ yä donäsio, ꞌne di tꞌuni nꞌa rä imforme pa njabu̱ dä za dä hyandi o dä bädi nuꞌu̱ märꞌa yä Testigo. Mꞌe̱fa de rꞌa yä zänä, di thutsꞌi toꞌo dä rebisa nuꞌu̱ yä kuenta pa dä hyandi ge dä ñꞌusa xä ñho nuꞌu̱ yä donäsio (2 Corintios 8:20, 21).

•   Yä kaha de gä donäsio: Dä za gi yꞌu̱tꞌi yä bojä o nꞌa rä cheque ha nuꞌu̱ yä kaha de gä donäsio ja ha yä Ngu de gä Mhuntsꞌi, ha yä Däta Ngu de gä Mhuntsꞌi o ha nuꞌu̱ märꞌa yä luga habu̱ di muntsꞌihe.

•   Yä donäsio ha Internet: Ha ndunthi yä dähni dä za gi uni nꞌa rä donäsio dende ha näꞌä rä página di pe̱ꞌtsihe ha Internet habu̱ enä: «Uni nꞌa rä donäsio pa yä testigo rä Jeoba». Dä za gi usa ri tarjeta de gä crédito o débito pa gi uni nꞌa rä donäsio, o gi ja nꞌa rä transferencia dende ha ri banco o de märꞌa yä forma. a Rꞌa yä testigo rä Jeoba di usa yä tarjeta ꞌne di programä pa dä uni nꞌa rä donäsio tatꞌä zänä (1 Corintios 16:2).

•   Dä za gi donä nuꞌu̱ yä kosa gi pe̱ꞌtsi pa nu xki tu go dä gohui yä testigo rä Jeoba. Pa rꞌa yä klase de gä donäsio, mähyoni gi hyombäbi rä mfatsꞌi nꞌa rä abogado, pa dä maxꞌäꞌi gi hñäni rꞌa yä benefisio. Por ejemplo, hingi jutꞌi rꞌa yä impuesto, segun nuꞌu̱ yä ley ja ha näꞌä luga habu̱ gi ꞌmu̱i. Ndunthi xä benefisiabi dä bädi te dä za dä me̱fi pa dä donä nuꞌu̱ yä kosa pe̱ꞌtsi, pa nu xti du go dä gohui rä organización yä testigo rä Jeoba. Pa gi pädi mä nꞌa tu̱i rä imformäsio, dä za gi nzote ha näꞌä rä ngu Betel de yä testigo rä Jeoba kohi mä getbu̱ de habu̱ gi ꞌmu̱i. Gehya rꞌa de nuꞌu̱ yä donäsio dä za gi uni:

  •   cuentas bancarias

  •   seguros y planes de jubilación

  •   bienes raíces

  •   acciones y bonos

  •   testamentos y fideicomisos

 Mu̱ gi ne mä nꞌa tu̱i rä imformäsio de hanja dä za gi uni nꞌa rä donäsio, ku̱tꞌi ha jw.org habu̱ enä: «Uni nꞌa rä donäsio pa yä testigo rä Jeoba».