Kristiánugu san gefentiña luagu Heowá?
Ítara liña. Kristiánugu wagía ladüga:
Adüga wamuti sun wayaraati lun wáyeihani lani Hesukrístu hénpulu luma lun wawinwandun úaragua luma le larufudahabei (1 Féduru 2:21).
Afiñetiwa súdini tan ligaradan Hesusu lidan wasalbarun, lugundun “míchuti Bungiu amu iri ubouagu lun gayara lan wasalbarun luéigiñe” (Adügaü 4:12).
Lun gefentiña wamá luagu Heowá, mosu wabadiseirun lidan liri Hesusu (Matéu 28:18, 19).
Lidan liri Hesusu wafurieida (Huan 15:16).
Afiñetiwa “Kristu lan lichügüdinabei kada wügüri” (1 Korintuna 11:3).
Gama lumoun, anihein saragu katei le ídanbei amu wamá hawéi lílana amu burí relihión le ídanbei hariñaga hawougua kristiánugu hamá. Rúhadiwa fe arufudaha tan Bíbülia Liráü lan Bungiu Hesusu, marufudahantu lídangiñeti lan aban Trinidad (Márükosu 12:29). Afiñetiwa góunwedadi tan uani ani marufudahan tan Bíbülia súfurigüda lániña Bungiu gürigia lun súnwandan lidan máfiougati, mafiñentiwa giñe lunti lan lagúahoun houn tábutigu ligilisi lau burí iri le íchuguti uéiriguni houn (Apurichihati 9:5; Sálumu 16:10; Matéu 23:8-10).
Háfuga hínsiñebei lan giñe le hun
ÁLÜGÜDAHANI LE GABÜGÜRÜGUATI LADÜGǗN
Afiñetiña san gefentiña luagu Heowá luagu Hesusu?
Akutiha huméi ka lan uagu súdini lubéi hafiñerun kristiánugu inarünitiña luagu Hesusu.
ÁLÜGÜDAHANI LE GABÜGÜRÜGUATI LADÜGǗN
Ka uagu mayusu habéi gefentiña luagu Heowá gurúa?
Lau sun kristiánugu wamá, mayusutiwa gurúa lidan wáhuduragun. Ka uagu?
WAWAGU
Ka uagu lunti lubéi haturiahanu Bíbülia?
Íderaguaaru Bíbülia saragu míñunu gürigia adarira óunabagülei lun lanarime burí álügüdahani le hadügübei hóuniwagua lidan habagari. Hínsiñeti hamuga hun huguya lan aban hádangiñe?
WAWAGU
Amuriaha humá habisidahóun
Ayanuha humá hama gefentiña luagu Heowá luagu óunabagülei le tíchugubei Bíbülia lun somu álügüdahani o lúntima hasubudirun hawagu.