Laritaguagüle lounwen Hesusu
Samudi 12 lidan gádürü-hati, irumu 2025
Aban wéiyaasu lidan irumu, óundaraguatiña gefentiña luagu Heowá lun haritaguni lounwen Hesusu, lun gaganbadi hamá lun gumadi le líchugubei dan le lariñagunbei: “Lúmagiñe guentó, adüga huméi le, haritaguagüleme nuagun” (Lúkasi 22:19).
Agunbiraha wamutün lun hóundaragun wama lidan adamuridaguni le.
Álügüdahani burí le hadügübei gürigia
Átiribei san dan lidura?
Kéiburi aban oura.
Halíaba san ladügǘwa?
Álügüda humá somu gefenti luagu Heowá le lídangiñeti fulasu le ñein hubéi ariñaga láamugei hun.
Mosu san hafayeihan lun hebelurun?
Uá.
Amuriahóuati san seinsu ñein?
Uá.
Ida luba ligaburi hasansiragun?
Mama mosu hasansiragun lidan aban igaburi espechaliti, lau sun lira, áfaaguatiña gefentiña luagu Heowá lun hasansiragun keisi lubudubu, ítara kei tariñaguni Bíbülia (1 Timotéu 2:9). Mama mosu hadaürün daüguaü sérutu o to hanarimeguti tuenden.
Ka adügǘbei lidan Aritaguagülei?
Gumeseti adamuridaguni ani gumuti giñe lau aban uremu, ani adügati aban gefenti luagu Heowá aban furíei. Lárigiñe, rúati aban yanu le adügati lun waritaguni lisudinin lounwen Hesusu luma ida liña lan wasagarun buiti lídangiñe le adüga láalibei Heowá luma Hesusu wawagu.
Anhein busén hubéi lanwoun ariñahani, aliiha huméi ariñahani “Ka uagu mítaran lubéi hadügüni gefentiña luagu Heowá Ladinerun Aburemei kei ladügǘn tidan amu burí relihión?”.
Ídaba ladügǘwa leweñegua Aritaguagülei?
Irumu 2025: Samudi, 12 lidan gádürü-hati
Irumu 2026: Luagu-gádürü, 2 lidan gádürü-hati
Háfuga hínsiñebei lan giñe le hun
ARITAGUAGÜLEI
Haritagua waméi lounwen Hesusu
Amisuraha wamutün lau sun wagundan lun hóundarun wama lidan ókaasion súdiniti le. Hafurendeirubei ka lan buiti gayaraabei lanügüni libagari luma lounwen Hesusu lun kada aban wádangiñe.
ARUFUDAHANI TÍDANGIÑETI BÍBÜLIA LE SÚDINITI
Ka uagu lounwe Hesusu?
Arufuda tumuti Bíbülia weiri lan lisudinin lounwen Hesusu. Gébunati san lounwen?