“Yawu yayi thangu yilembikila diambu beni muingi dibika ba vonza kinneni. Thangu yimmonisina kadulu ki kukiyala.” Mawu momo mambu António Guterres nioni widi secrétaire général yi ONU katubidi mu tadila mambu momo mavioka mu lumbu ki kisabala 13 Avril 2024 bobo tsi yi Iran yibula masasi ayi zidrone ku Israël.

 Mimvita miomi milembo vioki ku Moyen-Orient bilumbu biabi, yidi kuandi kifuani kimosi ki mambu momo malembo vioki mu bibuangu biwombo mu nza.

 “Bilumbu biabi kambu kuwizana ayi mimvita bieka biwombo mu nza viokila phila dibela kumanima ma Mvita Wummuadi wu Nza Yimvimba, ayi 2 miliare ki batu balembo moni phasi mu bila ki mimvita beni, yinsundula beto bonga batu baya, wumosi mu bawu wulembo dengana mambu momo.”—Conseil de sécurité yi ONU, 26 Janvier 2023.

 Zitsi ziozi mimvita milembo yumi bilumbu biabi, zi’awu ziazi: Israël, Gaza, Syrie, Azerbaïdjan, Ukraine, Soudan, Éthiopie, Niger, Myanmar, ayi Haïti. a

 Thangu mbi mimvita miela manina? Bapfumu zi nza yayi balenda nunga tula ndembama mu nza? Bibila mbi kintuba mu diambu beni?

 Mimvita miomi milembo yumu bilumbu biabi, milembo monisa ti fioti kuandi fisiedi mimvita mioso mieka nduka mana. Mimvita beni milembo dukisa mbikudulu yi Bibila yoyi yilembo tubila thangu yayi tulembo zingila. Bibila kitedidi mbandu’eto yayi thangu yi “tsukulu yi nza.”—Matayi 24:3.

•   “Luela wa zitsangu zi zimvita ayi biyoko bi zimvita. . . . Bila tsi yimosi yela nuanisa tsi yinkaka ayi batu ba kipfumu kimosi bela nuanisa batu ba kipfumu kinkaka.”—Matayi 24:6, 7.

 Tanga disolo diadi “Elembo ya “mikolo ya nsuka,” to ‘ntango ya suka’ ezali nini?” muingi wumona phila mimvita miomi milembo salama bilumbu biabi milembo dukisila zimbikudulu zi Bibila.

 Bibila kilembo bikula tsukulu yi kambu kuwizana ku batu ayi mimvita. Bue diambu beni diela salimina? Bika mu zingolo zi batu, vayi mu nzila yi Alimangedoni, “mvita yi lumbu kina kinneni ki Nzambi, Nkua Ngolo Yoso.” (Tsongolo 16:14, 16) Kumanima ma mvita beni, Nzambi wela dukisa tsil’andi yi vana batu ndembama yoyi yela zingila mvimba mvimba.—Minkunga 37:10, 11, 29.

 Muingi wuzaba mambu mawombo matedi mvita wowo Nzambi kela saladila mu diambu di manisa mimvita mioso, tanga disolo ditubidi ti: “Etumba ya Armagedone ezali nini?”