ALA LANGO PËPE!

Eskê mbeni lâ abira so ayeke na popo ti amara ayeke hunzi ande? Bible atene nyen na ndö ni?

JOUÉ NI

So Iran a-attaqué Israël na samedi lango 13 ti avril 2024, António Guterres, so ayeke secrétaire général ti Nations Unies, atene: “So ayeke ngoi ti tene a arrêté bira ni la.”

Bira so ayeke na Moyen-Orient ayeke gï mbeni oko ti atapande ti aye so ayeke passé na yâ ti dunia kue.

“Laso, abira ayeke mingi ahon ti so asi lani na ngoi ti Use bira so amû sese kue. Nga, azo milliard use tongaso, so ti tene, tongana a mû azo 100 na yâ ti dunia kue, azo 25 ayeke vivre na ando so bira ayeke dä.”—United Nations Security Council, 26 janvier 2023.

Akodro so bira ayeke kporo dä ayeke Israël, Gaza, Syrie, Azerbaïdjan, Ukraine, Soudan, Éthiopie, Niger, Birmanie nga na Haïti. a

Eskê mbeni lâ abira so ayeke na popo ti amara ayeke hunzi ande? Eskê akota zo ti komande ti dunia so apeut ti ga na siriri? Bible atene nyen na ndö ni?

Abira ahon ndö ni na yâ ti dunia

Abira so ahon ndö ni na yâ ti dunia laso ayeke mbeni signe so afa so abira ni kue aga nduru ti hunzi awe. Abira ni so asara si aprophétie ti Bible na ndö ti ngoi so e yeke vivre ni laso aga tâ tënë. Bible airi ngoi ti e “ngoi so aye ti ngoi so ayeke gue ti hunzi.”—Matthieu 24:3.

“Ala yeke mä ande tënë ti abira so atï nduru na ala wala abira so atï yongoro na ala. . . . Mara ayeke londo na bira na terê ti mbeni mara, na royaume ayeke londo na bira na terê ti mbeni royaume.”—Matthieu 24:6, 7.

Ti hinga tongana nyen la abira so ahon ndö ni laso asara si prophétie ti Bible aga tâ tënë, diko article article “Quel est le signe des ‘derniers jours’, ou ‘temps de la fin’ ?”.

Mbeni bira so ayeke hunzi ande abira kue

Bible atene kozo awe so abira so ayeke na popo ti azo ayeke hunzi ande. Ye ni ayeke passé ayeke ande tongana nyen? A yeke na lege ti effort ti azo ape, me a yeke lege ti Harmaguédon, so ayeke “bira ti kota lâ ti Nzapa, Lo so ngangu ti lo ahon angangu kue.” (Apocalypse 16:14, 16). Bira so ayeke mû ande lege na Nzapa ti sara si zendo so lo mû ndali ti azo ti tene ala duti na siriri teti lakue lakue aga tâ tënë.—Psaume 37:10, 11, 29.

Ti hinga ye mingi na ndö ti bira ti Nzapa so ayeke hunzi ande abira kue, diko article “Qu’est-ce que la bataille d’Armaguédon ?”

a ACLED Conflict Index, “Ranking violent conflict levels across the world,” janvier 2024