“Aka ko kabalilo akakuti tumasye ubwite, kangi kabalilo kakuti tuye bakwikola fiyo,” ayobile isi yo ndembi wa United Nations António Guterres isyakufwana na isi ikisu kya Iran kyabombile ku kisu kya Israel Pachobeluka, April 13, 2024.

 Ubwite ubu bukubombiwa ku Middle East lubafu lwa findu ifi fikubombiwa pakisu kyosa.

 “Pakabalilo aka pali miywegho fiyo pakisu kyosa kyapasi ukukinda muno fyayilile bo ubwite ubwabulili ubwa pakisu kyosa bubombiwe. Kangi isi sikubapalamasya fiyo abandu abakufwana 2 biliyoni, isi sikusanusya ukuti pabandu 4 umundu yumoywene ikupalamasiwa nindamyo iyi.”—United Nations Security Council, January 26, 2023.

 Ifighaba ifi fipalamasiwe nifyamiywegho ifi ko ku Israel, Gaza, Syria, Azerbaijan, Ukraine, Sudan, Ethiopia, Niger, Myanmar, and Haiti. a

 Ngimba ubwite bwisakumalika ndili? Ngimba abalongosi ba pakisu babaghile ukutwala ulutengano? Ngimba Ibaibolo likuyoba isyafiki?

 Imiywegho iyi yikubombiwa pakisu kyosa amasiku agha yikunangisya ukuti ubumalilo bwa bwite bosa buli pipi. Ubwite ubu bukufwanisya amabusololi gha mu Baibolo aghakuyoba isya kabalilo aka tukwikala. Ibaibolo likuyoba ifyakubombiwa ifi ukuti “ubumalikilo bwa kisu.”—Matai 24:3.

•   “Mwisakupilikagha isya bwite nutupango twa bwite. . . . Ikikolo kisakukisambukilagha ikikolo ikinine, bope nu Bunyafyale bwisakubusambukilagha Ubunyafyale ubunine.”—Matai 24:6, 7.

 Belenga inkhani iyakuti “Kasi Chimanyikwiro cha “Mazuŵa Ghaumaliro” Panji Kuti “Nyengo Zaumaliro” Ntchivichi?” ukuti mukete muno ubwite bwa masiku agha bukufwanisyila ubusololi bwa mu Baibolo.

 Ibaibolo lyayobile ngani isyabumalilo bwa miywegho pakati pabandu. Ngimba imiywegho iyi yisakumalika bulebule? Yisakumalika komma pa isi abandu bikughelaghela ukubomba, loli ukwendela mbwite bwa Armagedoni, “ubwite ubwa pisiku ilikulumba ilya Kyala Umwenemaka ghosa.” (Ubusetuli 16:14, 16) Linga ubwite ubu bumalike, Kyala isakufwanisya isi afingile kubandu ukuti bahobokeghe nulutengano kwa bwila na bwila.—Salimo 37:10, 11, 29.

 Ukuti mumanye nyingi isya bwite bwa Kyala ubu bwisakumasya ubwite bosa, belenga inkhani iyakuti “Kasi Nkhondo ya Aramagedoni Ni Vichi?”